विश्वकपको फाइनल चलिरहँदा मैदानमा प्रवेश गर्ने चार जना को हुन् ?

असार ३२, २०७५ सोमबार १३:३४:४० | एजेन्सी

विश्वकप फुटबलको फाइनलको दोस्रो हाफ चलिरहेको थियो । फ्रान्स क्रोएसियासँगको ऐतिहासिक खेलमा २–१ ले अगाडि थियो ।

अचानक प्याराफिटबाट चार जना मैदानमा प्रवेश गरे । एक गोलले पछि रहेको अवस्थामा क्रोएसिया दबाबमै थियाे । क्रोएसियन खेलाडी डेजान लेभरोनले मैदानमा प्रवेश गर्ने व्यक्तिलाई घिसारेर मैदानबाहिर लैजाने प्रयास गरेका थिए । तर त्यसको केही क्षणमै सुरक्षा अधिकारीहरु आएर उनीहरुलाई मैदानबाहिर लगे ।

केही बेर खेल पनि रोकियो । तर टेलिभिजनमा त्यो दृश्य धेरैबेर नदेखाइएकाले सबैलाई ती व्यक्ति को होलान भन्ने कौतुहुलता जाग्यो ।

केही समयपछि रुसको एउटा नारीवादी प्रदर्शनकारी समूह ‘पुस्सी रायट’ ले घटनाको जिम्मेवारी लिएको थियो । उनीहरुले फेसबुकमार्फत घटनाको जिम्मेवारी लिएका हुन् । ‘अहिले ‘पुस्सी रायटका चार जना सदस्य मैदानमा छन् ।’ समूहकी सदस्य रहेकी ओल्गा कुराच्योवाले मैदानमा दौडिनेमध्ये आफू पनि एक जना भएको बताएको रोयटर्सले जनाएको छ ।

रुसी अनलाइन मिडियाजोनाले जनाए अनुसार मैदनामा प्रवेश गर्ने तीन जना महिला र एक जना पुरुषलाई रंगशाला नजिकैको प्रहरी चौकीमा लगिएको थियो ।

मैदानमा प्रवेश गर्नुका कारणहरु

राजनैतिक बन्दीहरुलाई रिहा गर्न
सामाजिक सञ्जालमा ‘लाइक’ गरेकै आधारमा जेल नहालियोस्
राजनैतिक र्‍यालीमा गैरकानुनी धरपकड बन्द गर्न
राजनैतिक प्रतिस्पर्धालाई स्थान दिइयोस्
आपराधिक मुद्धालाई तोडमोड नगरियोस्

प्रदर्शनकारी समूह ‘पुस्सी रायट’ मस्कोमा रहेको एउटा ठूलो चर्चमा प्रदर्शन गरेर चर्चामा आएको थियो । त्यति बेला समूहका तीन जना सदस्यलाई पक्राउ गरिएको थियो । सन् २०११ मा स्थापना भएकाे याे समूहमा २० देखि ३३ वर्ष उमेर समूहका झण्डै ११ जना महिला रहेकाे बताइन्छ । याे समूहले सार्वजिनक ठाउँमा अाफूलाई गुरिल्ला समूहकाे रुपमा प्रस्तुत गर्दै अाएकाे छ । उनीहरुले मस्काेमा रहेकाे बायाेलाेजिकल म्युजियममा सामूहिक रुपमा याैन कार्य गरेका थिए ।

Members of Pussy Riot interrupted the World Cup final — and right in front of Vladimir Putin pic.twitter.com/X7nte5royj
— NowThis (@nowthisnews) July 15, 2018

केही समय यता उनीहरुले राष्ट्रपति पुटिनकाे नीतिकाे विराेध गर्नुका साथै समलिंगी समुदायका हक हितका बारेमा अावाज उठाउँदै अाएका छन् ।

आइतबारको विश्वकप फाइनलमा रुसी राष्ट्रपतिको भ्लादिमिर पुटिनकै अगाडि प्रदर्शन गर्न सफल भएको बताउँदै ट्वीट गरेका छन् ।

अन्तिम अपडेट: मंसिर १३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्