गल्याङ जीप दुर्घटना अपडेट : ज्यान गुमाउने संख्या २ पुग्यो, २१ जना घाइते

भदौ १८, २०७६ बुधबार १७:४:३९ | राधाकृष्ण डुम्रे

स्याङ्जा – स्याङ्जाको गल्याङ नगरपालिका–३, दिमिकमा जीप दुर्घटना हुँदा एक बालकसहित दुई जनाकोे ज्यान गएको छ । त्यस्तै दुर्घटनामा परि २१ जना घाइते भएका छन् ।

पाल्पाको रम्भा गाँउपालिकाको हुँगीबाट गल्याङका लागि छुटेको ग १ ज ३८४१ नम्बरको जीप गल्याङ बजार नजिकै बुटवल पावर कम्पनीको उकालो सडकबाट झण्डै ४०० मिटर तल खसेको प्रहरी चौकी गल्याङले जनाएको छ ।

वालिङ नगरपालिका–१३ का ९ महिने बालकको घटनास्थलमै भएको छ भने रम्भा गाँउपालिका हुँगीकी ६० वर्षीया छलीमाया सार्कीकाे उपचारका लागि पाल्पा लैजाँदै गर्दा बाटोमा ज्यान गएको प्रहरीले जनाएको छ । बालकका अभिभावक उपचारका लागि पाल्पामा रहेकाले सनाखत हुन नसकेको प्रहरीले जनाएको छ ।

घाइतेमध्ये १९ जनालाई उपचारका लागि पाल्पा पठाइएको छ । दुई जनाको गल्याङमा नै उपचार भइरहेको प्रहरीले जनाएको छ । थप उपचारका लागि पाल्पाको तानसेन पठाइएका घाइतेमध्ये ११ महिला र ८ जना पुरुष रहेका छन् ।

तिज मनाएर फर्किएका महिलाहरु दुर्घटनामा परेको बताइएको छ । ओभरलोडका कारण दुर्घटना भएको प्रहरीको अनुमान रहेको छ ।

अन्तिम अपडेट: मंसिर १५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

राधाकृष्ण डुम्रे

स्याङजाका पत्रकार राधाकृष्ण डुम्रे उज्यालोका जिल्ला सम्वाददाता हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्