मुआब्जा बुझेर पनि संरचना नहटाउँदा विस्तार भएन सडक

साउन १७, २०७६ शुक्रबार ७:२०:३८ | उज्यालो सहकर्मी

दाङ – मुआब्जा बुझेर पनि संरचना नहटाउँदा दाङको लमही कोइलाबास सडकमा पर्ने गढवा बजार खण्डको सडक विस्तार र कालोपत्रेको काम हुन सकेको छैन ।

यो सडकमा पर्ने जग्गाधनी मध्ये ८० प्रतिशतले मुआब्जा बुझिसकेको गाउँपालिकाले जनाएको छ । तर स्थानीयले भने पालिकाले नै आफ्ना संरचना नहटाएकाले आफूहरुले पनि नहटाएको बताउने गरेका छन् ।

यो सडकखण्डमा केही घरहरु तत्कालीन गढवा गाविसले निर्माण गरी भाडामा दिएको थियो । पालिकाले आफ्नो संरचना नभत्काएकाले मुआब्जा बुझेका जग्गाधनीहरुले पनि घर नभत्काएका बताएका छन् ।

जग्गाको मुआब्जा पाएकाहरुले पनि काम गर्ने बाटो नखोलिदिएको वडा नम्बर ६ का अध्यक्ष बालचन्द्र हमालले जानकारी दिनुभयो ।

गढवा गाउँपालिकाका अध्यक्ष सहजराम यादवले वर्षायाम सकिने बित्तिकै सार्वजनिक सूचना निकाले गाउँपालिकाका संरचना भत्काउने तयारी भैरहेको जानकारी दिनुभयो ।

गढवाको जस्तै समस्या कोइलाबास बजार र लमही नगरपालिका भित्रको सडकमा पनि छ । काम गर्ने क्षेत्र क्लियर नगरिदिएकाले करिब ३ किलोमिटर क्षेत्रमा कुनै पनि काम नभएको सडक निर्माण कम्पनी कुमार कालिका जेभिका प्रतिनिधि मुकेशकुमार शाहले बताउनुभयो ।

यी क्षेत्रमा पर्ने जग्गा धनीमात्रै समस्या बनेका भने होइनन् । सडक क्षेत्रमा गाडीएका विद्युत तथा टेलिफोनका पोल, खानेपानीका पाइप पनि सडक विस्तारमा समस्या बनेका छन् । यसका समाधानका लागि सम्बन्धित निकायले अहिलेसम्म चासो देखाएका छैनन् ।

अन्तिम अपडेट: मंसिर १४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्