मकवानपुरमा बर्सेनि बग्छ करोडौँको सडक

साउन १, २०७६ बुधबार १८:५८:५८ | हरि हुमागाईं

मकवानपुर – मकवानपुरमा तीनै तहका सरकारले सडकमा करौडौँ रुपैयाँ खर्च गर्ने गरेका छन् । नयाँ सडक निर्माण, निर्माण भैसकेका सडकलाई थप निर्माण र सडकको स्तरोन्नति लगायतका काम गर्न वार्षिकरुपमा करोडौँ रुपैयाँ खर्च हुने गरेको छ ।

तर स्थानीय सरकार, प्रदेश सरकार र संघीय सरकारले सडक निर्माणका लागि गरेको करोडौँ रुपैयाँ बाढी र पहिरोमा बग्ने समस्या भने यथावत् नै छ । असार महिना सकिँदा लगातार वर्षाका कारण मकवानपुरका दशवटै स्थानीय तहमा बनाइएका केही सडक बाढी र पहिरोका कारण बगेका छन् ।

केही सडकहरु गाडी चल्नै नसक्ने अवस्थामा पुगेका छन् । तीनै तहका सरकारले प्रत्येक वर्ष सडक निर्माण र मर्मत सम्भारका लागि ठूलो बजेट विनियोजन गर्दछ ।ग्रेड नमिलेको, घुम्ती नै घुम्ती र भिरको बाटो, हिलो, जंगल, खेतबारीमा सडक निर्माण गरिएका कारण गाउँगाउँका सडकमा गरिएको लगानी बर्सेनि भेलसँगै बग्ने गरेको छ ।

मकवानपुरको राक्सिराङ गाउँपालिकामा गएको आर्थिक वर्षमा नयाँ निर्माण गरिएका सडक बाढी र पहिरोसँगै बगेको गाउँपालिका अध्यक्ष राजकुमार मल्लले बताउनुभयो । पहिले बनाइसकेका सडकभन्दा पनि गएको आर्थिक वर्षमा नयाँ ट्रयाक खोलिएका सडक बाढी र पहिरोको जोखिममा परेको उहाँले जानकारी दिनुभयो ।

‘बाढी र पहिरोका कारण वर्षौं अघि बनेका र गाउँपालिका पुग्ने सडक समेत अबरुद्ध बनेको छ । अबको केही दिनमा नै निर्माण गरिनेछ', अध्यक्ष मल्लले भन्नुभयो ।

मकवानपुरमा स्थानीय तह गठनपछिका २ वर्ष र त्यसअघि बर्सेनि सडकमा निर्माण र मर्मतको नाममा करौडौँ बजेट खन्याइएको छ । बनेका सडक कति बगे, ती सबै विवरण आइनसकेको कैलाश गाउँपालिकाका अध्यक्ष टंक मोक्तानले बताउनुभयो । बाढी र पहिरोका कारण अहिले कैलाश जाने तीनैतिरका सडक बिग्रिएको र गाउँका नयाँ सडकहरु धेरैजसो भत्किएको उहाँले जानकारी दिनुभयो ।

बर्सेनि सडक बग्दा यहाँका स्थानीयले सास्ती खेप्ने गरेका छन् । मकवानपुरका विकट राक्सिराङ, कैलाश, बागमती लगायतका गाउँपालिकाका केही वडामा असारदेखि कात्तिकसम्म ज्यान जोखिममा राखेर यात्रा गर्नुपर्ने स्थानीय बासिन्दाले बताएका छन् । गाउँमा उत्पादन भएको तरकारी बजारसम्म पुर्‍याउन र बजारबाट दैनिक उपभोग्य सामान गाउँमा लैजान समस्या भएको उनीहरुको गुनासो छ ।

सडक अवरुद्ध भएकै कारण मकवापनुरको मनहरी गाउँपालिकाको हाँडीखोलामा उत्पादित तरकारी बजारसम्म पुर्‍याउनका लागि किसानहरुले सबैभन्दा धेरै सास्ती खेप्नुपरेको मनहरी गाउँपालिकाका अध्यक्ष एकराज उप्रेतीले बताउनुभयो । गाउँका सडक अवरुद्ध हुँदा गर्भवती महिला, बुढाबुढी र बिरामीले बाढी र पहिरोले बगेका सडकमा यात्रा गर्दा सबैभन्दा धेरै सास्ती खेपेका छन् ।

यसअघि हरेक सडक योजनामा डोजर लगाएर खन्ने, खोस्रने र पुर्ने काम मात्र भएकाले अहिले सास्ती खेप्नुपरेको स्थानीयले दाबी गरेका छन् । योजनाबद्ध र सुरक्षाका प्रविधि उपयोग नगर्दा हरेक वर्षको बजेट बाढी र पहिरोसँगै बगेको छ ।

बाढी, पहिरोका कारण धेरै सडक बिग्रिएको र अब बनाउने तयारी भैरहेको मकवानपुरगढी गाउँपालिकाका अध्यक्ष विदुर हुमागाइँले बताउनुभयो । वर्षौंअघि बनेका र पछिल्ला दुई वर्षमा बनेका सडक बिग्रिएकाले अबको केही दिनमा खुलाइसक्ने उहाँले बताउनुभयो ।

अन्तिम अपडेट: मंसिर १५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

हरि हुमागाईं

मकवानपुरका उज्यालो सहकर्मी हरि हुमागाईं नेपाल पत्रकार महासंघको पूर्व जिल्ला अध्यक्षसमेत हुनुहुन्छ ।

1 Comments

Poshak bhandari
July 17, 2019, 7:34 p.m.
के गर्ने long term vision नभएपछि यस्तै हुन्छ । अब स्थानिय सरकारले सडक बनाउदा अलि विचार गर्ने पाे हाे की ?
0 Reply

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

मकवानपुरमा बर्सेनि बग्छ करोडौँको सडक

1 Comments

Poshak bhandari

तपाईको प्रतिक्रिया

तपाईको प्रतिक्रिया