पाल्पाकाे अस्पतालबाटै हराएको नवजात शिशु स्याङ्जामा भेटियो

असार २८, २०७६ शनिबार ११:४९:१७ | राधाकृष्ण डुम्रे

स्याङ्जा – शुक्रबार पाल्पाकाे एक अस्पतालबाटै हराएको नवजात शिशु स्याङ्जामा भेटिएको छ । तानसेनमा रहेको लुम्बिनी मेडिकल कलेज प्रभासबाट नवजात शिशु चोर्ने महिलालाई प्रहरीले स्याङ्जाबाट नियन्त्रणमा लिएको जनाएको छ ।

बच्चा चोरेर भागेकी गल्याङ नगरपालिका वडा नम्बर–५, मोहनडाँडाकी विमला पाण्डेलाई प्रहरीले पक्राउ गरेको हो । पाण्डे र शिशुलाई कालीगण्डकी गाउँपालिका वडा नम्बर–७, मा रहेको नेपाल विद्युत प्राधिकरणको सरकारी आवासबाट नियन्त्रणमा लिइएको प्रहरीले जनाएको छ । प्राधिकरणमा नै ज्यालादारीमा काम गर्ने पाण्डेले शुक्रबार दिउँसो ३ बजे तानसेन–९, मदनपोखराकी जमुना रानाको बच्चा चोरेर भागेकी थिइन् ।

नियन्त्रणपछि नवजात शिशु र चोरी गर्ने पाण्डे दुवैलाई पाल्पातर्फ लगिएको प्रहरीले जनाएको छ । ४ दिनदेखि सुत्केरी वार्डमा रहेकी अपरिचित महिलाले शुक्रबार जमुनाकी आमालाई सहयोग गर्ने बहाना बनाएर अस्पतालबाटै बच्चा लिएर फरार भएकी थिइन् ।

त्यसबेलामा सुत्केरी जमुना अचेतजस्तै थिइन् । लामो समयदेखि अस्पताल भित्र विमला पाण्डेलाई बस्न दिनु शंकास्पद रहेको आफन्तको भनाइ छ ।

प्रहरीले बच्चा हराउनेबित्तिकै सिद्धार्थ राजमार्गका नाका र आसपासका जिल्लामा खोजी गरेको थियो । उनीमाथि थप अनुसन्धान भइरहेको प्रहरीले जनाएको छ । जिल्ला प्रहरी कार्यालय पाल्पाका प्रहरी नायब उपरीक्षक कृष्णराज सापकोटासहितको टोली महिला र बच्चा भएको कालीगण्डकी गाँउपालिकामा आइपुगेको थियो । पाण्डेले चोरेर स्याङ्जा ल्याएको नवजात शिशुको अवस्था सामान्य रहेको बताइएको छ ।

अन्दाजी ५० वर्षीया पाण्डेका यसअघि नै दुई छोरा र दुई छोरी रहेका छन् भने श्रीमान पहिले नै बितिसकेको बताइएको छ । श्रीमानको निधनपछि घरायसी सम्बन्ध राम्रो नभएकी पाण्डेले वच्चा चोर्नुको कारण स्पष्ट भइनसकेको प्रहरीको भनाइ छ ।

पाण्डेको स्वास्थ्यमा त्यस्तो कुनै मानसिक समस्या भएको नभेटिएको स्थानीय पत्रकार टिकाराम अधिकारीले जानकारी दिनुभयो ।

याे पनि पढ्नुहाेस्

सुनियोजित रुपमा अस्पतालबाट शिशु चोरियो : प्रहरी

अस्पतालबाटै शिशु चोरेर भाग्ने महिला सीसीटीभीमा देखिइन्

जन्मिएको केही घण्टामै अस्पतालबाटै शिशु गायब

अन्तिम अपडेट: मंसिर १५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

राधाकृष्ण डुम्रे

स्याङजाका पत्रकार राधाकृष्ण डुम्रे उज्यालोका जिल्ला सम्वाददाता हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्