समाचार प्रभाव : ऋषिको घरमै गएर सहयोगकाे प्रतिबद्धता

वैशाख १६, २०७६ सोमबार ७:४३:३१ | प्रेमनारायण आचार्य

अर्घाखाँची - २०७२ सालको भुकम्पमा ८२ घण्टापछि जिवीतै भेटिएका अर्घाखाँचीको ढाकाबांगका ऋषि खनाललाइ सक्दाे सहयोग गर्ने प्रमुख जिल्ला अधिकारी सहितको टोलीले प्रतिबद्धता ब्यक्त गरेको छ ।

उज्यालो अनलाइनमा विदेश जान भनेर घरबाट हिडेका ऋषिले गरि खाने खुट्टा समेत गुमाएपछि २ छाक कसरी खाने, परिवार कसरी पाल्ने भन्ने समस्या भएको समाचार प्रकाशित भएपछि प्रमुख जिल्ला अधिकारीसहितको टोली उहाँको घरमै पुगेर सहयोग गर्ने प्रतिबद्धता ब्यक्त गरेको हो ।

ऋषिको घरमा पुगेका प्रमुख जिल्ला अधिकारी प्रेमलाल लामिछानेले उहाँको ५ बर्षिय छोरालाइ पढाउन कुनै संघ सस्थालाइ पहल गरिदिने र उहाँलाइ कुनै तालिमको ब्यबस्था गर्नका लागि आफूले पहल गर्ने प्रतिबद्धता जनाउनुभयाे ।

प्रमुख जिल्ला अधिकारी सहित ऋषिको घरमा पुगेका पुनर्निमाण प्राधिकरण आयोजना कार्यान्वयन इकाई अर्घाखाँचीका प्रमुख बलराम मिश्रले ५ हजार र निर्माण व्यवसायी नारायाण बन्जाडेले ५ हजार आर्थिक सहयोग गर्नु भएको छ ।

२०७२ साल वैशाख १२ गते गएको भुकम्पमा परि ८२ घण्टापछि जिवीतै भेटिएका ऋषि खनाल अहिले दैनिक जीवन गुजारा कसरी गर्ने र आफ्नो छोरालाई कसरी पढाउने भन्ने चिन्तामा हुनुहुन्छ ।

ऋषि भन्छन् : मेरै नाम बेचेर अरु लखपति बने, मलाई छाक टार्नै समस्या

बिदेस गएर पैसा कमाउने र आफ्नो परिवार खुशी बनाउने उद्देश्य बोकेर अर्घाखाँचीबाट काठमाण्डौ गएका ऋषि युएइ अर्थात दुबई जानका लागि वैशाख १४ गतेको टिकट लिएका थिए । तत्कालिन अर्घाखाँचीको ढाकाबांग गाविस वाड न. ६ हालको भूमिकास्थान नगरपालिका वाड नम्वर १ साम्नेगाँउ निवासी ३१ वर्षिय ऋषि काठमाण्डौमा १२ गतेको भुकम्पमा परेका थिए ।

उहाँको अहिले देब्रे खुट्टा काटिएको छ । सामान्य परिवारका ऋषिको घरमा बुबा आमा, श्रीमती र एक छोरा छन । भुकम्पमा परेर बाचेको भन्दा पनि आफ्नो परिवारलाई कसरी पाल्ने र ५ बर्षको छोरा कसरी पढाउने भन्ने चिन्ता छ ।

गाँउकै बोर्डिंङ स्कुलमा डेढ बर्ष पढाएपनि छोराको फी तिर्न नसकेर छोरालाइ सामुदायिक विद्यालयको कक्षा १ मा भर्ना गरिदिएको ऋषिकी श्रीमती कविता खनालले बताउनुभयाे ।

अन्तिम अपडेट: मंसिर १६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

प्रेमनारायण आचार्य

प्रेमनारायण आचार्य अर्घाखाँची उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्