बेमौसमी वर्षाले पुल निर्माण सामग्री बगायो

वैशाख ५, २०७६ बिहीबार ११:१४:५२ | राधाकृष्ण डुम्रे

स्याङ्जा – स्याङ्जा र पर्वत जोड्ने गरी निर्माण भैरहेकोे सेती खोला मोटरेबल पुल निर्माण स्थलमा राखिएको निर्माण सामग्री बेमौसमी वर्षाले बगाइदिएको छ । आगामी असार मसान्त भित्र निर्माण सम्पन्न गर्नु पर्ने पुलको निर्माण सामग्री बाढीले बगाएको हो ।

मुक्तिनाथ निर्माण सेवा र सुयान विल्डर्सले संयुक्तरुपमा निर्माण गर्दै आएको पुलले पर्वतको विहादी गाउँपालिका र स्याङ्जाको गल्याङ नगरपालिका जोड्छ । सुयान विल्डर्सका प्रोपाइटर सुदन श्रेष्ठले भन्नुभयो, ‘वैशाख ७ गते ढलानको तयारी थियो सबै सामाग्री बाढीले बगाइदियो ।’ पुल निर्माण गर्न प्रयोग गरिएका पानी तान्ने पम्प, मेसिन, गिट्टी बालुवा, ह्युमपाइप, काठ, जालीलगायतका सामाग्री बगाएको हो ।

श्रेष्ठका अनुसार दुई दिनसम्म लगातार परेको अविरल वर्षापछि आएको बाढीले करिब ३५ लाख बराबरको क्षती पुर्‍याएको छ । ‘बर्खा नलाग्दै पुल सम्पन्न गर्ने योजनामा थियौँ’ श्रेष्ठले भन्नुभयो ‘सामाग्री सबै बगाएपछि पुल निर्माण कार्य अब केही महिना लम्बिने छ ।’ ३५ मिटर लम्बाइ र ११ मिटर चौडाइ रहेको पुल निर्माण गर्न ५ करोड १२ लाखमा सम्झौता गरिएको थियो ।

दुईजिल्ला जोड्ने मोटरेबल पुल निर्माण भएपछि दक्षिण पर्वत र पश्चिम स्याङ्जाका बासिन्दालाई आवात जावतमा सहज हुनेछ ।

अन्तिम अपडेट: मंसिर १५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

राधाकृष्ण डुम्रे

स्याङजाका पत्रकार राधाकृष्ण डुम्रे उज्यालोका जिल्ला सम्वाददाता हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्