सय दिनपछि वडाध्यक्ष सम्पर्कमा आए

चैत १५, २०७५ शुक्रबार १२:१९:५ | प्रेमनारायण आचार्य

अर्घाखाँची – अर्घाखाँचीको मालारानी गाँउपालिका वडा नम्बर–२, का वडाध्यक्ष विष्णुप्रसाद भुसाल (विनोद) हराएको एक सय दिन पछि सम्पर्कमा आउनु भएको छ ।

शुक्रबार बिहान बुटवलबाट फोन गरेर आफू सकुशल रहेको जनाएको मालारानी गाँउपालिकाका अध्यक्ष बालकृष्ण आचार्यले जानकारी दिनुभयो ।

उहाँ कहाँ र किन गएको भन्ने बारेमा जानकारी नगराएको तर आफू कुशल रहेको जनाएको अध्यक्ष आचार्यले बताउनुभयो । उहाँ भारतमा गएर बसेको हुन सक्ने आंकलन गरिएको छ । तर किन र केकोलागि वा कुन समस्याले भन्ने थाहा हुन सकेको छैन ।

पुस २ गते मालारानी २ डाडाकटेरीमा रहेको घरबाट वडा कार्यालयको मोटरसाइकल सर्भिसिङ गर्न भन्दै सन्धिखर्क आएका भुसाल मोटरसाइकल ग्यारेजमै छाडेर सम्पर्कविहीन हुनु भएको थियो । गोरुसिंगेसम्म बस चढेर गएको तर गोरुसिंगेबाट कहाँ गएको भन्ने बारेमा थाहा हुन सकेको थिएन ।

प्रहरीले खोजी कार्य जारी राखेको थियो । वडा अध्यक्षको मोबाइलको कल डिटेल निकाल्ने, सन्धिखर्कको शासन्त बगैचामा रहेको सीसी कयामेरामा पुस २ गते कैद भएको भिडियो हेर्ने लगायतका सबै कार्य प्रहरीले गरेको थियो । तर उहाँ कहा गएको भनेर पत्ता लाग्न सकेको थिएन ।

फर्निचरका सामान खरिद गर्ने भन्ने पनि आफन्तले भनेको आधारमा कपिलवस्तुको बहादुरगञ्जको प्लाइ उद्योग, कृष्णनगर नाकाको सीसी क्यामेराको फुटेज , बुटवल, भैरहवालगायत गोरुसिंगे–सन्धिखर्क सडकको जंगलहरुमा समेत खोजी गरिएको तर उनको अवस्था पत्ता लगाउन सकिएको थिएन । अहिले सम्पर्कमा आएको गाँउलेले जानकारी गराएका छन् प्रहरी नायब उपरीक्षक नवराज मल्लले भन्नुभयो ।

विनोदले चलाउने गरेको मोटरसाइकल सन्धिखर्क ग्यारेजमा बनाउन दिएर त्यसतर्फ लागेका र मोबाइलसमेत बसमा खसालेकोले मोबाइल बस चालकमार्फत घरमा ल्याइएको थियो ।

पुस २ गते सन्धिखर्कदेखि गोरुसिंगेसम्मको झन्डै ३ घण्टाको समयमा गाउँपालिका अध्यक्ष बालकृष्ण आचार्य, वडा सदस्य लिलबहादुर पाण्डे र श्रीमतीसमेतले फोन गर्दासम्म वडा अध्यक्ष विनोदले फोन उठाउनु भएको थिएन ।

उहाँ तत्कालीन नेकपा एमालेबाट स्थानीय तहको चुनावमा मालारानी–२, बाट वडा अध्यक्षमा निर्वाचित हुनु भएको थियो ।

अन्तिम अपडेट: मंसिर १६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

प्रेमनारायण आचार्य

प्रेमनारायण आचार्य अर्घाखाँची उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्