भोजपुरे खुकुरी बोकेर १० महिनामै साइकलमा ७७ जिल्ला !

फागुन ४, २०७५ शनिबार ७:७:३८ | सन्ताेष रुचाल

धनकुटा – ‘भोजपुरे खुकुरी जोगाऊ’ अभियानमा साइकल यात्रामार्फत देश दौडाहामा निस्केका भोजपुरका एक युवकले १० महिनामा ७७ जिल्लाको यात्रा पुरा गरेका छन् ।

भोजपुर नगरपालिका–११, स्थायी घर भई हाल झापाको भद्रपुर नगरपालिका–७ मा बसोबास गर्दै आएका कक्षा–१२ मा अध्यायनरत २१ वर्षीय तेजप्रसाद पराजुलीले भोजपुरको पहिचान बोकेको भोजपुरे सिरुपाते खुकुरीको प्रचार गर्न २०७५ वैशाख ९ गते साइकल यात्रा सुरु गरेका थिए ।

झापाको मेचीपुलबाट वैशाख ९ गते पराजुलीले सुरु गरेको साइकल यात्रा २०७५ माघ १३ गते दार्चुला जिल्लामा गएर सम्पन्न गरेको साइकल यात्री तेजप्रसाद पराजुलीले बताए । ‘भोजपुरे खुकुरी जोगाऊ’ अभियान अन्तरगत खुकुरीको प्रचार गर्दै भोजपुरलाई पर्यटन प्रवद्र्धन गर्ने उद्देश्यले सुरु गरेको ७७ जिल्लाको यात्रा सफल पार्नका लागि विभिन्न सरकारी तथा गैरसरकारी संस्थाले सहयोग गरेको पराजुलीले बताए ।

नेपाल पिस साइक्लिङ टुर लेखिएको ब्यानर साइकल अगाडि टाँसेर पछाडि झोलामा भोजपुरे खुकुरी र नेपालको झण्डा बोकेका पराजुलीले हरेक जिल्लामा पुगेर भोजपुरे खुकुरी देखाउँदै पर्यटन प्रवद्र्धनको लागि भोजपुर घुम्न आग्रह गर्ने गरेका थिए । ‘अहिले भोजपुरे खुकुरी लोप हुन लागेकाले त्यसको संरक्षण गर्दै भोजपुरलाई पर्यटन प्रवद्र्धन गर्नु मेरो साइकल यात्राको मुख्य उद्देश्य थियो’, पराजुलीले भने ।

साइकल यात्राको क्रममा पराजुली तेह्रथुमको आठराईमा साइकल दुर्घटनामा परे । ओरालो बाटोमा साइकल चिप्लिँदा सडकबाट आफू २० मिटर तल खसेको र साइकल आफूभन्दा थप २० मिटर तल खसेको पराजुलीले बताए ।

तेह्रथुममा साइकल दुर्घटनामा परेका पराजुलीलाई नेपाल प्रहरीले उद्धार गरी उपचार गरेको पराजुलीले बताए । मध्यम परिवारमा जन्मेका पराजुली साइकल यात्राको क्रममा कति दिनसम्म एक छाक मात्र खाना खाएर बाँचेको बताए ।

यात्राको क्रममा नेपाल प्रहरी, सशस्त्र प्रहरी, नेपाली सेना, विभिन्न गाउँपालिका र स्थानीयवासीहरुले सहयोग गरेको पराजुलीले बताए । साइकल यात्राको लागि पञ्च अष्टनारायण स्टोर काठमाण्डौले निःशुल्क साइकलसहित आवश्यक उपकरणहरु उपलब्ध गराएको थियो ।

उनले त्यही साइकलको यात्रामार्फत ७७ जिल्लाको यात्रा सम्पन्न गरे । तर ७७ जिल्लाको यात्रा सम्पन्न गरेको औपचारिक रुपमा सार्वजनिक गर्न भने बाँकी रहेको पराजुलीले बताए ।

अन्तिम अपडेट: मंसिर १६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

सन्ताेष रुचाल

रुचाल धनकुटाका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्