समाचार छापेको भन्दै पत्रकारमाथि सांघातिक आक्रमण

माघ २९, २०७५ मंगलबार १७:५२:१० | रामबाबु खड्का

सर्लाही – सामुदायिक रेडियो सर्लाहीका समाचार सम्पादक सोम दियालीमाथि सांघातिक आक्रमण भएको छ । नेपाल पत्रकार महासंघ सर्लाहीका सदस्यसमेत रहेका दियालीलाई मंगलबार नचिनेका मान्छेले सर्लाहीको सुकेपोखरीमा आक्रमण गरेका हुन् ।

आक्रमणबाट दियालीको ठाउकोमा गम्भीर चोट लागेको छ । उहाँको अहिले सर्लाहीको हरिवनमा रहेको स्वाभिमान अस्पतालमा उपचार भइरहेको छ । आफूले केही दिनअघि बाग्मती नगरपालिकाको समाचार लेखेको कारण आफूमाथि आक्रमण भएको उहाँले बताउनुभयो ।

नेपाल पत्रकार महासंघ सर्लाही शाखा र नेपाल प्रेस युनियन सर्लाहीले विज्ञप्तिमार्फत आक्रमणको भर्त्सना गर्दै दोषीमाथि कारबाहीको माग गरेका छन् ।

आक्रमणमा संलग्न भएकामध्ये एक जना पक्राउ परेको र बाँकीलाई छिट्टै पक्राउ गरी कारबाही गरिने सर्लाही प्रहरी प्रमुख एसपी पोषराज पोख्रेलले जानकारी दिनुभयो ।

अन्तिम अपडेट: मंसिर १५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

रामबाबु खड्का

रामबाबु खड्का सर्लाहीका उज्यालो सहकर्मी हुन् ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्