टाइगर कप भलिबल प्रतियोगितामा आज चार खेल हुँदै

माघ १४, २०८१ सोमबार ९:५७:२९ | उज्यालो सहकर्मी

काठमाण्डौ – पाँचाैँ टागर कप राष्ट्रिय तथा अन्तर्राष्ट्रिय क्लब महिला तथा पुरुष भलिबल प्रतियोगिताअन्तर्गत आज चार खेल हुँदैछन् ।

अस्ति शनिवारदेखि शुरू भएको प्रतियोगिताको तेस्रो दिन आज महिलातर्फ दुई र पुरुषतर्फ दुई खेल हुने तालिका छ । अब लिगचरणका खेल हुनेछ ।

सबै टोलीले एक/एक खेल खेलेपछि अहिले जित्ने र हार्ने टोलीको छुट्टाछुट्टै समूह बनेका छन् । ती समूहअन्तर्गत लिग खेल हुनेछ । एउटै समूहमा रहने टोलीले एक अर्कासँग खेल्नेछन् ।

पोखरा रङ्गशालाको भलिबल कोर्टमा अहिले महिलातर्फ जित्ने समूहका न्यू डायमन्ड स्पोर्ट्स क्लब र शसस्त्र प्रहरी बल एपीएफ खेल्दैछन् ।

दोस्रो खेल महिलातर्फ ‘हार्ने समूह’का ट्राभल इन्क्वारी युनाइटेड प्यासन भलिबल क्लब थाइल्यान्ड र नेपाल पुलिस क्लबले बिहान पौने ११ बजे खेल्दैछन् ।

तेस्रो खेल पुरुषतर्फ ‘जित्ने समूह’का भारतको सुनिल भलिबल क्लब र नेपाल पुलिस क्लबले प्रतिस्पर्धा गर्नेछन् ।

आजको अन्तिम तथा चौथो खेल पुरुषतर्फ ‘हार्ने समूह’का गण्डकी प्रदेश र हेल्प नेपाल स्पोट्र्स क्लबबिच हुनेछ । टाइगर ग्रुप अफ पोखराको आयोजनामा भइरहेको प्रतियोगिता यही माघ १९ गतेसम्म चल्नेछ ।

अन्तिम अपडेट: माघ १४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्