एक सय वटा पेन्गुइन मारेको आरोपमा अर्जेन्टिनाका किसानलाई तीन वर्षको जेल सजाय

मंसिर ६, २०८१ बिहीबार ९:१३:२० | एजेन्सी

पेन्गुइनका बच्चा मारेको पुष्टि भएपछि अर्जेन्टिनाका एक जना किसानलाई अदालतले तीन वर्षको जेल सजायको फैसला गरेको छ ।

आफ्नो बारीमा बालीनाली खान आएका एक सय वटा भन्दा धेरै म्यागेलानिक प्रजातिका पेन्गुइनका बच्चा मारेको कसुरमा दक्षिणी प्रान्त चुबुटका एक जना किसानलाई तीन वर्षको जेल सजाय सुनाइएको विभिन्न अन्तर्राष्ट्रिय सञ्चारमाध्यमले जनाएका छन् ।

सन् २०२१ मै उनले चरा मारे पनि यो मुद्दामा लामो बहस भएकाले अहिले बल्ल फैसला आएको हो । उनले पेन्गुइनका दर्जनौँ गुँड पनि नष्ट गरेका थिए । अभियोजनकर्ताहरूले चार वर्षको सजायको माग गरेका थिए ।

यो मुद्दाको उजुरीकर्ता पर्यावरण समूह ग्रीनपीसले किसानलाई दोषी ठहर गर्ने फैसलालाई ‘पर्यावरण न्यायको लागि एउटा महत्त्वपूर्ण कदम’ भनेर स्वागत गरेको छ । किसानले भने आफ्नो बालीनाली जोगाउन अरु कुनै उपायले काम नगरेपछि पेन्गुइन मार्नुको विकल्प नभएको दाबी गरेका छन् ।

म्यागेलानिक पेन्गुइनलाई अन्तर्राष्ट्रिय प्रकृति संरक्षण सङ्घले कम चिन्ताको प्रजातिको रूपमा राखेको छ । जसको अर्थ यो सङ्ख्या घट्दै गए पनि यो लोप हुने खतरामा छैन ।

अन्तिम अपडेट: मंसिर १५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्