देशभर मोबाइल एप्लिकेशन सञ्चालन गर्ने सरकारको तयारी

मंसिर १२, २०७५ बुधबार १८:१७:३४ | उज्यालो सहकर्मी

काठमाडौं – सरकारले चालू आर्थिक वर्षभित्रै सबै स्थानीय तहमा ‘मोबाइल एप्लिकेशन’ सञ्चालनमा ल्याउने घोषणा गरेको छ ।

स्थानीय तहका नागरिकलाई प्रदान गरिने सबै सेवासहितको सूचना समावेश गरिएको मोबाइल एप्लिकेशन चालू आर्थिक वर्षभित्र सबै स्थानीय तहमा सञ्चालनमा ल्याउने सञ्चार तथा सूचना प्रविधि मन्त्रालय अन्तरगतको सूचना प्रविधि विभागले जानकारी गराएको हो ।

बुधबार काठमाडौंमा पत्रकार सम्मेलन गरी विभागका महानिर्देशक लक्ष्मीप्रसाद यादवले स्थानीय तहमार्फत नागरिकलाई प्रदान गरिने सेवाको सूचना समावेश गरिएको त्यो मोबाइल एप्लिकेशन चालू आर्थिक वर्षभित्र ७ सय ५३ वटै स्थानीय तहमा सञ्चालन गर्ने गरी कामलाई अघि बढाइएको जानकारी दिनुभयो ।

विभागले अहिलेसम्म सो सेवा सय वटा स्थानीय तहमा सञ्चालन गरेको छ । गएको श्रावण १८ गते प्रधानमन्त्री केपी ओलीले त्योे सेवाको काठमाडौंमा एक कार्यक्रमका बीच शुभारम्भ गर्नु भएको थियो ।

सरकारले स्थानीय तहको सेवाबारे नागरिकलाई जानकारी दिन र त्यहाँ सुशासन सुनिश्चित गराउने उद्देश्यका साथ सो सेवा सञ्चालनमा ल्याएको हो ।

अन्तिम अपडेट: मंसिर १५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

देशभर मोबाइल एप्लिकेशन सञ्चालन गर्ने सरकारको तयारी

प्रतिकात्मक तस्बिर

तपाईको प्रतिक्रिया