तामाकोशी–५ जलविद्युत् आयोजना निर्माणका लागि चिनियाँ कम्पनीसँग ठेक्का सम्झौता

वैशाख ३०, २०८१ आइतबार १५:१०:४६ | उज्यालो सहकर्मी

काठमाण्डाै – तामाकोशी–५ जलविद्युत् आयोजना निर्माणका लागि चिनियाँ कम्पनी सिनो हाइड्रो कर्पोरेशनसँग ठेक्का सम्झौता भएको छ ।

९९ दशमलव ८ मेगावाट क्षमताको तामाकोशी–५ निर्माणका लागि तामाकोशी जलविद्युत् कम्पनी लिमिटेड र सिनो हाइड्रोबीच १२ अर्ब ९९ करोड रुपैयाँमा सिभिलतर्फका कामका लागि ठेक्का सम्झौता भएको हो ।

तामाकोशी जलविद्युत् कम्पनी लिमिटेडका प्रमुख कार्यकारी अधिकृत विनोद भण्डारीले आयोजनाको पूर्वतयारीका सबैजसो काम सकिएकाले एक महिनाभित्र काम शुरु हुने जानकारी दिनुभयो । आयोजना निर्माण थालेको चार वर्षमा व्यावसायिक उत्पादन गर्ने लक्ष्य रहेको छ ।

यो आयोजना ४ सय ५६ मेगावाटको माथिल्लो तामाकोशी जलविद्युत् आयोजनाको क्यासकेड आयोजना भएका कारण हेडवर्क्स बनाउनु पर्दैन । माथिल्लो तामाकोशीको टेलरेस टनेलबाट निस्कने पानीलाई सिधै तामाकोशी–५ को सुरुङमार्गमा ल्याइनेछ । आयोजनाका लागि ८ किलोमिटर सुरुङमार्ग निर्माण गर्नुपर्छ ।

आयोजनामा नेपाल विद्युत् प्राधिकरण, तामाकोशी हाइड्रोपावर कम्पनी लिमिटेड र कर्मचारी सञ्चय कोषले लगानी गर्दैछन् । सञ्चय कोषले मात्रै १३ अर्ब ७४ करोड रुपैयाँ लगानी गर्ने सम्झौता भएको छ । आयोजना निर्माणका लागि कुल २१ अर्ब १४ करोड रुपैयाँ लागत अनुमान छ ।

अन्तिम अपडेट: मंसिर १७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

तामाकोशी–५ जलविद्युत् आयोजना निर्माणका लागि चिनियाँ कम्पनीसँग ठेक्का सम्झौता

प्रतीकात्मक तस्बिर

तपाईको प्रतिक्रिया