अमेरिकामा दोस्रो पटक सुँगुरको मिर्गाैला जीवित मानिसमा प्रत्यारोपण

वैशाख १३, २०८१ बिहीबार १८:३१:१० | एजेन्सी

संयुक्त राज्य अमेरिकामा दोस्रो पटक सुँगुरको मिर्गाैला जीवित मानवमा प्रत्यारोपण भएको छ । शल्य चिकित्सकहरूले दोस्रो पटक जीवित व्यक्तिमा सुँगुरको परिमार्जित मिर्गाैला प्रत्यारोपण गरेका समाचार संस्था एएफपीले जनाएको छ ।

न्युयोर्कको एनवाईयू ल्याङ्गाेन हेल्थ सेन्टरमा ५४ वर्षीया लिसा पिसानो नाम गरेक महिलामा सुँगुरको मिर्गाैला प्रत्यारोपण गरिएको हो । ती महिला हृदयघात र अन्तिम चरणको मिर्गाैला रोगबाट पीडित रहेको र उनलाई केही दिनमात्रै जीवित राख्न सकिएको डाक्टरहरूले बताएका छन् ।

डाक्टरहरूले मिर्गाैला प्रत्यारोपणअघि हृदयघातको उपचार स्वरूप मेकानिकल पम्प दिएका थिए । यस्तो जटिल अवस्थाको बिरामीमा सुँगुरको मिर्गाैला प्रत्यारोपण गरेको यो पहिलो पटक भएको डाक्टरहरूको दाबी छ । सुँगुरको मिर्गाैला सिधै मानवमा प्रत्यारोपण नहुने भएकाले डाक्टरहरूले शुरुमा सुँगुरको मिर्गाैलामा एउटा ग्रन्थि प्रत्यारोपण गरेपछि मात्रै मानिसमा प्रत्यारोपण गर्न मिल्छ ।

प्रमुख सर्जन डा. रोबर्ट मन्टगोमेरीले जीवन बचाउने अङ्गहरू जनावरबाट मानिसमा प्रत्यारोपण गर्न सक्नु निकै ठूलो उपलब्धि भएको बताउनुभएको छ । पछिल्लो प्रत्यारोपणले मिर्गाैला असफल भएर कोही पनि अकालमा मर्नु पर्दैन भन्ने सम्भावनालाई नजिक ल्याएको उहाँको भनाइ छ ।

गएको मार्च महिनामा पहिलो पटक अमेरिकामै एक जीवित बिरामीमा सुँगुरको मिर्गाैला प्रत्यारोपण गरिएको थियो । यसअघि अघिल्लो वर्ष नै आनुवंशिक रूपले परिमार्जित सुँगुरको मुटु मेरिल्यान्ड विश्वविद्यालयका दुई जना बिरामीमा प्रत्यारोपण गरिएको थियो तर दुवै जना दुई महिनाभन्दा कम समय बाँचेका थिए ।

अन्तिम अपडेट: मंसिर १३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

अमेरिकामा दोस्रो पटक सुँगुरको मिर्गाैला जीवित मानिसमा प्रत्यारोपण

तस्बिर : एजेन्सी

तपाईको प्रतिक्रिया