देश परदेश (अडियाे)

खाडीका कुवेत र कतार हुन् वा पूर्वी एसियाका कोरिया र मलेसिया ! अथवा युरोप र अमेरिकाका देश नै किन नहुन्, अब धरतीका सातै महादेशमा नेपाली नपुगेका देश छैनन् । विदेशमा नेपालीले नगरेका काम पनि अब थोरै मात्र छन् । वैदेशिक रोजगारी, अध्ययन, अनुसन्धान, ब्यवसाय र जागीरका सिलसिलामा विदेशमा रहेका नेपालीको संख्या झण्डै ५० लाख पुगेको छ । त्यसमध्ये आधाभन्दा बढी जनशक्ति वैदेशिक रोजगारीका सिलसिलामा विदेश पुगेको छ । देश परदेश वैदेशिक रोजगारीमा जाने र गएका नेपालीलाई सुरक्षित, व्यवस्थित र मर्यादित वनाउने मल्टिमिडिया प्लेटफर्म हो । यो प्लेटफर्ममा रेडियो र अनलाईन एकअर्कासित अन्तरंग जोडिएका छन् । विदेश जान चाहने नेपाली र विदेशमा रहेका नेपालीका भावना, भोगाई, चासो र सरोकारका बिषय र घटनाहरु यो प्लेटफर्मका मुख्य बिषयबस्तु हुन् । यिनै बिषयमा हरेक मंगलवार बिहान ८ः०० देखि ९ः०० बजेसम्म देशभरिका सयभन्दा धेरै स्टेशनबाट रेडियो कार्यक्रम देश परदेश प्रसारण हुन्छ । विदेशमा काम गर्न जाने र विदेशमा काम गरिरहेका नेपालीका काम, सीप र कमाईसँग सम्बन्धित अनुभव, कथाव्यथा, जानकारी, प्रश्न उत्तर र समाचार तथा टिप्पणीहरु सँगै रेडियो कार्यक्रम समेत अनलाईन पोर्टलमा समेटिन्छन् । उज्यालोको देश परदेश मल्टिमिडिया प्लेटफर्म तपाईंको साथ र सहयोगमा वैदेशिक रोजगारलाई सुरक्षित, व्यवस्थित र मर्यादित वनाउने अभियान हो । हामी तपाईंलाई आफ्ना अनुभव, सीप, कमाई, सफलता र विफलताका कथा, समाचार, टिप्पणी तथा तपाईंका भोगाई लेखेर, बोलेर र भिडियोमा पठाएर यो अभियानमा साथ दिन र सहयोग गर्न अनुरोध गर्छौ । देश परदेश मल्टिमिडिया प्लेटफर्ममा तपाईंलाई हार्दिक स्वागत छ !

400_Desh Paradesh 2020-02-25

Download

कार्यक्रम देश परदेशको ४०० औं अंक वैदेशिक रोजगारीमा हुने व्यक्तिगत ठगीमा न्याय पाउन किन मुस्किल छ त भन्ने विषयमा केन्द्रित छ । व्यक्तिगत ठगीमा परेर दुई वर्षदेखि न्यायका लागि वैदेशिक रोजगार न्यायधिकरण धाइरहेका श्रमिकका भोगाई समेटेर तयार पारिएको रिपोर्ट कार्यक्रममा सुन्न सकिन्छ । व्यक्तिगत ठगीमा न्याय पाउन मुस्किल किन छ त ? न्यायधिकरणमा पुगेका मुद्धा फैसला हुन वर्षौं लाग्नुको कारण के हो भनेर हामीले वैदेशिक रोजगार न्यायधिकरणका अधिकृत हेमराज शर्मालाई सोधेका छौं । पीडितलाई छिटो न्याय दिने उद्देश्यले वैदेशिक रोजगार विभागले गएको महिना ५३ जना मेलमिलापकर्ताको बन्दोबस्त गरेको छ । मेलमिलापको प्रक्रियाबारे आज हामी वैदेशिक रोजगार विभाग, अनुगमन तथा अभिमुखिकरण शाखाका निर्देशक हरिप्रसाद ज्ञवालीसँगको कुराकानी कार्यक्रममा समावेश छ । ठगीबाट जोगिन घरबाट हिँडेदेखि विदेशमा रहदाँसम्म कस्ता कुरामा ध्यान दिनपर्छ भन्ने बिषयमा पिपुल फोरममा आवद्ध अधिवक्ता कृष्णप्रसाद न्यौपानेका सुझाव पनि आजको कार्यक्रममा समावेश छ । अनि साथमा छन्, तपाईँले सोधेका प्रश्नमा हामीले खोजेका उत्तर र तपाईँका रुचिका विषय समेटिएको राउण्ड अफ पनि ।

देश परदेश (अडियाे)

400_Desh Paradesh 2020-02-25

अरु एपिसोडहरु