देश परदेश (अडियाे)

खाडीका कुवेत र कतार हुन् वा पूर्वी एसियाका कोरिया र मलेसिया ! अथवा युरोप र अमेरिकाका देश नै किन नहुन्, अब धरतीका सातै महादेशमा नेपाली नपुगेका देश छैनन् । विदेशमा नेपालीले नगरेका काम पनि अब थोरै मात्र छन् । वैदेशिक रोजगारी, अध्ययन, अनुसन्धान, ब्यवसाय र जागीरका सिलसिलामा विदेशमा रहेका नेपालीको संख्या झण्डै ५० लाख पुगेको छ । त्यसमध्ये आधाभन्दा बढी जनशक्ति वैदेशिक रोजगारीका सिलसिलामा विदेश पुगेको छ । देश परदेश वैदेशिक रोजगारीमा जाने र गएका नेपालीलाई सुरक्षित, व्यवस्थित र मर्यादित वनाउने मल्टिमिडिया प्लेटफर्म हो । यो प्लेटफर्ममा रेडियो र अनलाईन एकअर्कासित अन्तरंग जोडिएका छन् । विदेश जान चाहने नेपाली र विदेशमा रहेका नेपालीका भावना, भोगाई, चासो र सरोकारका बिषय र घटनाहरु यो प्लेटफर्मका मुख्य बिषयबस्तु हुन् । यिनै बिषयमा हरेक मंगलवार बिहान ८ः०० देखि ९ः०० बजेसम्म देशभरिका सयभन्दा धेरै स्टेशनबाट रेडियो कार्यक्रम देश परदेश प्रसारण हुन्छ । विदेशमा काम गर्न जाने र विदेशमा काम गरिरहेका नेपालीका काम, सीप र कमाईसँग सम्बन्धित अनुभव, कथाव्यथा, जानकारी, प्रश्न उत्तर र समाचार तथा टिप्पणीहरु सँगै रेडियो कार्यक्रम समेत अनलाईन पोर्टलमा समेटिन्छन् । उज्यालोको देश परदेश मल्टिमिडिया प्लेटफर्म तपाईंको साथ र सहयोगमा वैदेशिक रोजगारलाई सुरक्षित, व्यवस्थित र मर्यादित वनाउने अभियान हो । हामी तपाईंलाई आफ्ना अनुभव, सीप, कमाई, सफलता र विफलताका कथा, समाचार, टिप्पणी तथा तपाईंका भोगाई लेखेर, बोलेर र भिडियोमा पठाएर यो अभियानमा साथ दिन र सहयोग गर्न अनुरोध गर्छौ । देश परदेश मल्टिमिडिया प्लेटफर्ममा तपाईंलाई हार्दिक स्वागत छ !

कार्यक्रम देश परदेशको अङ्क ५४५

Download

आजको कार्यक्रम प्रदेश स्तरबाट श्रम स्वीकृति र गौतमबुद्ध अन्तर्राष्ट्रिय विमानस्थलबाट श्रम गन्तव्य देशमा जाने अनुमति पाउन थालेपछि शुरु भएको सहजताको विषयमा केन्द्रित । कार्यक्रममा बुटवल र पोखरा श्रम कार्यालयबाट श्रम स्वीकृति र गौतमबुद्ध अन्तर्राष्ट्रिय विमानस्थलबाट वैदेशिक रोजगारीमा जाने अनुमति पाएपछि यसले सेवा प्रवाहमा पारेको प्रभावको विषयमा वैदेशिक रोजगार विभागका निर्देशक तथा प्रवक्ता कृष्णप्रसाद भुसालसँगकाे कुराकानी कार्यक्रममा सुन्न सक्नुहुन्छ । यस्तै सरकारको यो प्रयासबाट वैदेशिक रोजगारीमा जाने श्रमिकहरुले काठमाडौमै आउन पर्ने बाध्यता सधैंका लागि अन्त्य होला त भन्ने विषयमा नेपाल वैदेशिक रोजगार व्यवसायी संघका पूर्व अध्यक्ष एवं म्यानपावर व्यवसायी रोहन गुरुङसँग पनि कुराकानी गरेका छाैँ । अनि भैरहवा विमानस्थल भएर श्रम गन्तव्य देशमा जाने/आउनेहरुका अनुभव पनि कार्यक्रममा सुन्न सकिन्छ । साथमा हप्ताभरिका गतिविधि त छँदैछन् ।

देश परदेश (अडियाे)

कार्यक्रम देश परदेशको अङ्क ५४५

अरु एपिसोडहरु