देश परदेश (अडियाे)

खाडीका कुवेत र कतार हुन् वा पूर्वी एसियाका कोरिया र मलेसिया ! अथवा युरोप र अमेरिकाका देश नै किन नहुन्, अब धरतीका सातै महादेशमा नेपाली नपुगेका देश छैनन् । विदेशमा नेपालीले नगरेका काम पनि अब थोरै मात्र छन् । वैदेशिक रोजगारी, अध्ययन, अनुसन्धान, ब्यवसाय र जागीरका सिलसिलामा विदेशमा रहेका नेपालीको संख्या झण्डै ५० लाख पुगेको छ । त्यसमध्ये आधाभन्दा बढी जनशक्ति वैदेशिक रोजगारीका सिलसिलामा विदेश पुगेको छ । देश परदेश वैदेशिक रोजगारीमा जाने र गएका नेपालीलाई सुरक्षित, व्यवस्थित र मर्यादित वनाउने मल्टिमिडिया प्लेटफर्म हो । यो प्लेटफर्ममा रेडियो र अनलाईन एकअर्कासित अन्तरंग जोडिएका छन् । विदेश जान चाहने नेपाली र विदेशमा रहेका नेपालीका भावना, भोगाई, चासो र सरोकारका बिषय र घटनाहरु यो प्लेटफर्मका मुख्य बिषयबस्तु हुन् । यिनै बिषयमा हरेक मंगलवार बिहान ८ः०० देखि ९ः०० बजेसम्म देशभरिका सयभन्दा धेरै स्टेशनबाट रेडियो कार्यक्रम देश परदेश प्रसारण हुन्छ । विदेशमा काम गर्न जाने र विदेशमा काम गरिरहेका नेपालीका काम, सीप र कमाईसँग सम्बन्धित अनुभव, कथाव्यथा, जानकारी, प्रश्न उत्तर र समाचार तथा टिप्पणीहरु सँगै रेडियो कार्यक्रम समेत अनलाईन पोर्टलमा समेटिन्छन् । उज्यालोको देश परदेश मल्टिमिडिया प्लेटफर्म तपाईंको साथ र सहयोगमा वैदेशिक रोजगारलाई सुरक्षित, व्यवस्थित र मर्यादित वनाउने अभियान हो । हामी तपाईंलाई आफ्ना अनुभव, सीप, कमाई, सफलता र विफलताका कथा, समाचार, टिप्पणी तथा तपाईंका भोगाई लेखेर, बोलेर र भिडियोमा पठाएर यो अभियानमा साथ दिन र सहयोग गर्न अनुरोध गर्छौ । देश परदेश मल्टिमिडिया प्लेटफर्ममा तपाईंलाई हार्दिक स्वागत छ !

331st Desh Paradesh 2018-10-30

Download

कार्यक्रम देश परदेशको अंक ३३१ मलेसियाको रोजगारीका विषयमा केन्द्रित छ । नेपाल र मलेसिया बिच श्रम सम्बन्धी समझदारी पत्र (एमओयू)मा हस्ताक्षर भएपछि पाँच महिनादेखि रोकिएको मलेसियाको रोजगारी खुलेको छ । मलेसियामा रोजगारी गर्न जान थालेको झण्डै २० वर्षमा पहिलो पटक श्रम सम्झौता भएको हो । सम्झौतामा समेटिएका विषयबारे श्रम, रोजगार तथा सामाजिक सुरक्षा मन्त्री गोकर्ण विष्टले सुनाएका कुरा कार्यक्रममा सुन्न सकिन्छ । श्रम सम्झौताले नेपाली कामदारलाई पार्ने हितका विषयमा मलेसियामा पत्रकारिता गरेर फर्केका देवेन्द्र खापुङ र मलेसियामा मात्रै कामदार पठाउने म्यानपावरका सञ्चालक कुमुद खनालका विचार पनि कार्यक्रममा समेटिएको छ । अर्को प्रसंगमा साना गल्तीलाई पन्छाउँदा ज्यान जोगाएर नेपाल फर्केका नवलपरासीका महेन्द्र पौडेलका अनुभव कार्यक्रममा सुन्न सकिन्छ । सधैंजस्तै वैदेशिक रोजगार सम्बन्धी साप्ताहिक गतिविधि, राउण्ड अप रहनेछ ।

देश परदेश (अडियाे)

331st Desh Paradesh 2018-10-30

अरु एपिसोडहरु