डाक्टर देवकोटा परिवारसहित जन्मगाउँमा

जेठ २६, २०७५ शनिबार १४:४९:५९ | किरण लोहनी

बरिष्ठ न्युरोसर्जन डाक्टर उपेन्द्र देवकोटालाई शनिवार उहाँको जन्मगाउँ पु-याइएको छ ।

क्यान्सर रोग लागेपछि उपचार गराइरहेका डाक्टर देवकोटालाई उहाँ जन्मिएको गोरखाको बोहोरागाउँ पु-याइएकाे हो ।

पालुङटार नगरपालिका वडा नम्बर ३ मा पर्ने बोहोरागाउँमा आफु जन्मेको घरमा बस्ने र स्थानीय सिस्नेपानी धाराको पानी खाने इच्छा व्यक्त गरेकाले २ वटा हेलिकोप्टर चार्टर गरेर पुर्याइएको उहाँको परिवारले जनाएको छ । उहाँसँगै उहाँकी श्रीमति र ३ छाेरीहरु पनि छन् ।

काठमाडाैंबाट डाक्टर देवकोटा आउने खबर थाहा पाएदेखि नै उहाँलाई हेर्न र भेट्न स्थानीय वासिन्दा, उहाँका विद्यार्थी, उहाँलाई पढाएका शिक्षक लगायत उपस्थित भएका छन् ।

हेलिकोप्टरबाट पूरै बोहोरा गाउँलाई एक फन्को लगाएपछि उहाँलाई घर नजिकैको चउरमा राखेर त्यहाँबाट स्ट्रेचरमा राखेर जन्मघर लगिएको थियो ।

एउटा हेलिकोप्टरमा उहाँको उपचारमा संलग्न चिकित्सकहरु पुगेका थिए । त्यसको केहीबेरमा अर्को हेलिकोप्टरमा उहाँलाई लगिएको थियो ।

बोहोरा गाउँमा उहाँको परिवारका नजिकका आफन्त कोही नभएपनि देवकोटा खलकहरुको बसोबास भने अहिलेपनि छ ।

अन्तिम अपडेट: मंसिर १५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

किरण लोहनी

उज्यालोका गोरखा सम्वाददाता किरण लोहनी गोरखाको च्वाइस एफएममा पनि काम गर्नुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्