मलेसियाले सबै कामदारलाई सामाजिक सुरक्षाको दायरामा ल्याउने

कात्तिक ११, २०७५ आइतबार १७:४६:९ | उज्यालो सहकर्मी

मलेसिया – मलेसियाका मानव संसाधन मन्त्री एम कुलाशेगरनले विदेशी घरेलु कामदारसहित सबै कामदारलाई सामाजिक सुरक्षाको दायरामा ल्याउने तयारी गरिरहेको बताएका छन् ।

स्थानीय कामदारको जतिकै सेवा सुविधा हुनेगरि घरेलु कामदार समेटने गरी सामाजिक सुरक्षाको प्रत्याभुत गराउने मन्त्री कुलाशेगरनको भनाइलाई उद्धृत गर्दै मलेसियाली अनलाइन द स्टारले उल्लेख गरेको छ ।

‘सबै विदेशी कामदार र घरेलु कामदारले स्थानीय कामदार सरहकै फाइदा पाउने छन्,’ मन्त्री कुलाशेरगनले भनेका छन् ।

विदेशी कामदारलाई सामाजिक सुरक्षाको दायरामा ल्याउन विभिन्न पार्टिहरुसँग छलफल गरेको र मस्यौदालाई मन्त्रीपरिषदमा लैजाने तयारी गरिरहेको पनि मन्त्री कुलाशेगरनले बताएका छन् ।

यस्तै, एमओयू (समझदारीपत्र) मा हस्ताक्षर गर्न मलेसियाका मन्त्री कुलाशेगरन आइतबार राती ११ बजे नेपाल आउँदैछन् । नेपाल र मलेसियाबीच हुने श्रम सम्झौतामा भोलि सोमबार हस्ताक्षर हुँदैछ ।

सोमबार बिहान मन्त्रीस्तरीय छलफल पछि नेपाल र मलेसिया बीच एमओयूमा हस्ताक्षर हुनेछ ।

मलेसिया जाने नेपाली कामदार स्वास्थ्य परिक्षण लगायतका विभिन्न बहानामा ठगीमा परेको भन्दै श्रम रोजगार तथा सामाजिक सुरक्षा मन्त्री गोकर्ण विष्टले गएको जेठ २ गतेदेखि नै कामदार मलेसिया पठाउन रोकेका थिए । श्रम सम्झौता भएसँगै बन्द रहेको मलेसियाको रोजगारी पनि खुल्ने छ ।

अन्तिम अपडेट: मंसिर १७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्