दिपायल द्रुतमार्ग यसै वर्ष सञ्चालनमा आउँछ : मुख्यमन्त्री भट्ट

कात्तिक ४, २०७५ आइतबार १०:४७:१० | विमल बिष्ट

डोटी – कैलालीको धनगढी हुँदै दिपायल जोड्ने द्रुतमार्ग (फाष्ट ट्रयाक) यही वर्षदेखि सञ्चालनमा आउने सुदूरपश्चिम प्रदेशका मुख्यमन्त्री त्रिलोचन भट्टले बताउनु भएको छ ।

राष्ट्रिय महत्वको धनगढी–दिपायल द्रुतमार्ग निरीक्षणका क्रममा मुख्य मन्त्री भट्टले जसरी भए पनि यही वर्षदेखि यो मार्गको सञ्चालन गरिने दाबी गर्नुभयो । उहाँले भन्नुभयो ‘दुर्तमार्ग यसै वर्ष सञ्चालनमा ल्याउने तयारी गरिरहेका छौँ, जस्तोसुकै परिस्थितीमा पनि अब काम रोकिने छैन ।’

यो द्रुतमार्गमा २०६४ देखि ट्रयाक खोल्ने काम सुरु गरिएको थियो । मुख्यमन्त्री भट्टले आउँदो जेठभित्रै ट्रयाक खोल्ने काम सम्पन्न गरेर धनगढीदेखि दिपायलसम्म गाडी चल्ने बाटो बनाउन निर्माण कम्पनीलाई निर्देशनसमेत दिनु भएको उहाँका निजी सचिव शिवसिंह ओलीले जानकारी दिनुभयो ।

धनगढीदेखि स्याउले, तथा डोटीको विपीनगर, गड्सेरा हुँदै दिपायल पुग्ने मार्गको लम्बाई ८२ किलोमिटर छ । निर्माण कम्पनी अनेष्ट कन्ट्रक्सनका टेकेन्द्र शाहीले कैलालीमा ७ र डोटीमा ८ किलोमिटर ट्रयाक खोल्न बाँकी रहेको बताउनुभयो । कैलालीमा १८ किलोमिटर ट्रयाक खुलिसकेको जानकारी दिँदै उहाँले भन्नुभयो ‘केही महिनामै ट्रयाक खोलिसकेर गाडी हिँड्न सक्ने कच्ची सडक तयार हुने छ ।’

अन्तिम अपडेट: मंसिर २५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

विमल बिष्ट

विमल बिष्ट डोटीका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्