विशाक्त रक्सीले ज्यान गुमाएका १३ जनाको सम्झनामा मलेसियामा शोकसभा

असोज २३, २०७५ मंगलबार १५:५६:२० | उज्यालो सहकर्मी

काठमाडौं – विषाक्त रक्सी खाँदा ज्यान गुमाएको सम्झनामा नेपाली दूतावास मलेसियाले असोज २६ गते शोकसभा आयोजना गर्ने भएको छ ।

क्वाललाम्पुरमा रहेको नेपाली दूतावासमा दिउँसो २ बजेदेखि श्रद्धाञ्जली सभा कार्यक्रम सुरु हुनेछ । रक्सीका कारण मलेसियामा १३ जना नेपालीले ज्यान गुमाएका छन् ।

विषाक्त रक्सीका कारण इलामका विमल कार्की, सर्लाहीका शेरबहादुर ठकुरी, ठेगाना नखुलेका शुकुबल घिसिङ, नवलपरासीका दुर्गा सिंह राना, धादिङका मिमबहादुर घले, रुपन्देहीका रामकुमार यादव, डढेलधुराका विशाल बुढाथोकी, सुनसरीका सञ्जय उराव, इलाम सिद्धिथुम्काका बलबहादुर कुलुङ र सर्लाहीका आइतसिंह गोलेको ज्यान गएको हो । अन्य तीन जनाको परिचय खुलेको छैन ।

‘..श्रद्धाञ्जली अर्पण गर्नको निमित्त शोकसभामा सहभागी हुन मलेसियामा रहेका सम्बन्धित नेपाली दाजुभाइ, दिदीबहिनी, नेपालीको सामुदायिक संघसंस्थाहरुका प्रतिनिधि सबैमा हार्दिक अनुरोध गर्दछ,’ दूतावासले जारी गरेको सूचनामा उल्लेख छ ।

अन्तिम अपडेट: मंसिर २५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्