पाँचथर : मतगणनास्थलमा तारजाली र सीसी क्यामेरा जडान

मंसिर ३, २०७९ शनिबार ११:२:१७ | उपेन्द्र येक्तेन

पाँचथर - पाँचथरमा मतगणनास्थलमा सीसी क्यामेरा जडानसँगै तारजाली लगाउने काम सकिएको छ। सीसी क्यामेरा जडानसँगै तारजाली लगाउने र गणनास्थल फिदिममा रहेकाे जिल्ला समन्वय समिति अगाडिको कर्भड हल वरपर सुरक्षा प्रबन्ध मिलाउने काम सकिएकाे मुख्य निर्वाचन अधिकृतको कार्यालयले जनाएको छ ।

पाँचथरमा प्रतिनिधि सभा सदस्यका लागि एक र प्रदेश सभा सदस्यका लागि दुई निर्वाचन क्षेत्र रहेको छ। पाँचथरका सबै मतपेटिका कभर्ड हलमा राखेर त्यही हलमा तीन वटा समूहले गणना गर्नेगरी ठाउँको व्यवस्थापन गरिएको मुख्य निर्वाचन अधिकृत टिकेन्द्र दाहालले बताउनुभयो ।

गणनास्थलमा तारजाली लगाउनका साथै सुरक्षा पोस्ट, मिडिया डेस्क र आवश्यक संरचना निर्माण गरिएको छ । जिल्लामा एक सय ३ वटा मतदानस्थल र एक सय ७७ वटा मतदानकेन्द्र ताेकिएकाे छ। जिल्लामा मतदान गराउन एक हजार ४ सय १२ कर्मचारी, म्यादीसहित तीन हजार सुरक्षाकर्मी परिचालन भएका छन्।

अन्तिम अपडेट: मंसिर १५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

उपेन्द्र येक्तेन

पाँचथरका उज्यालो सहकर्मी उपेन्द्र येक्तेन इगल एफएममा पनि काम गर्नुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्