मलेसियामा कार्यरत अवैधानिक कामदारलाई ठगीबाट बच्न दूतावासको अनुरोध

असोज १५, २०७५ सोमबार १५:१:३३ | उज्यालो सहकर्मी

काठमाडौं – नेपाली दूतावास मलेसियाले अवैधानिक कामदारलाई ठगीबाट बच्न अनुरोध गरेको छ ।

मलेसियामा बस्ने ताप्लेजुङका पिटी शेर्पा भनिने फुपु तेम्बा शेर्पाले अवैधानिक कामदारलाई नेपाल पठाइदिने भन्दै ठगेको उजुरी दूतावासमा परेकाले यस्तो अनाधिकृत ठगीबाट बच्न सबै अवैधानिक कामदारलाई अनुरोध गरेको हो ।

पीडितको निवेदनको आधारमा पिटी शेर्पालाई अनुसन्धान र कारबाहीका लागि मलेसियाका सम्बन्धित निकायमा पत्राचार गरिसकेको दूतावासले जनाएको छ । नेपाल फर्किन पाइने प्रलोभनमा शेर्पासँग कुनै पनि लेनदेन नगर्न पनि दूतावासले अनुरोध गरेको छ । अवैधानिक कामदारलाई स्वदेश फर्काउने अनुमतति मलेसिया सरकारले पिटी शेर्पा र अरु कसैलाई पनि दिँदैन ।

कसैले पिटी शेर्पाले जस्तै घर फर्काइदिने प्रलोभन देखाएर ठगेमा सिधैं मलेसियन प्रहरी, अदालत र नेपालमा नेपाल प्रहरी र अदालतमा पीडितले उजुरी गर्न सकिने छ ।

अवैधानिक भएर बसेका कामदारलाई मलेसिया सरकारले वैधानिक रुपमा नेपाल फर्किनका लागि आममाफी दिएको थियो । तर अहिले आममाफीको समय सक्किएकाले अवैधानिक हुने कामदारले मलेसियन इमिग्रेशन कार्यालयमा सम्पर्क राखि तोकेको जरिवाना तिरेर स्वदेश फर्किन सक्नेछन् ।

यस्तै मलेसिया सरकारले देशलाई अवैधानिक कामदा मुक्त बनाउने अभियान नै चलाएको छ । कम्पनी र कामदार बस्ने होस्टलमै पनि छापा मार्ने र पक्राउ गर्ने अभियान चलाइरहेको छ ।

मलेसियामा कार्यरत नेपालीलाई दूतावासले आफू खुशी कम्पनी छाडेर काम नगर्न अनुरोध गर्दै रोजगारदातासँग कुनै गुनासो भए दूतावासमा सम्पर्क गर्न पनि अनुरोध गरेको छ ।

अन्तिम अपडेट: मंसिर १९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्