मलेसियामा विषाक्त रक्सीका कारण बिरामी भएकामध्ये चार जनाको अवस्था गम्भीर

असोज ६, २०७५ शनिबार १०:४९:१४ | उज्यालो सहकर्मी

काठमाडौं – मलेसियामा विषाक्त रक्सी सेवनका कारण बिरामी परेका १२ जनामध्ये चार जनाको अवस्था गम्भीर रहेको नेपाली दूतावासले जनाएको छ ।

बिरामी रहेका बाराको रघुनाथपुर–६ का राधेश्याम बैठा, खोटाङको सुङ्गदेल–७ का चम्पावती राई, ठेगाना नखुलेका सुकुवल घिसिङ र बिमल कार्कीको अवस्था गम्भीर रहेको दूतावासले निकालेको विज्ञप्तिमा जनाइएको छ ।

यस्तै रुपन्देहीको फरेना–७ का रामचन्द्र लोधको अवस्था स्थिर रहेको छ भने गोरखाको च्याङ्ली–२ का लोकबहादुर बराम, पाँचथरको चोकमागु–६ का सेतबीर तुम्बापो, मोरङको बबियाविर्ता–३ का जम्बिरलाल झाँगड, काभ्रेको धुलिखेल–६ का चन्द्रसिंह तामाङको अवस्था सुधारोन्मुख रहेको दूतावासले जनाएको छ ।

यस्तै स्वास्थ्य सुधारोन्मुख नै रहेका राजेशकुमार हजारी र दातेबहादुर सारु मगरको भने अझै ठेगाना खुलेको छैन । बिरामी भएका पाँचजना उपचारपछि अस्पतालबाट डिस्चार्ज भैसकेका पनि नेपाली दूतावासले जानकारी दिएको छ । विषाक्त रक्सी सेवनका कारण सात जना नेपालीको ज्यान गइसकेको छ ।

विषाक्त रक्सी सेवन गर्नेहरुमा टाउको दुख्ने, बान्ता हुने, पखाला लाग्ने, आँखा धमिलो हुने, पेट दुख्ने, रिंगटा लाग्ने, छिटो छिटो श्वास बढ्ने जस्ता लक्षण देखिएको मलेसियाको स्वास्थ्य मन्त्रालयले जानकारी दिएको छ ।

अन्तिम अपडेट: मंसिर २०, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्