युरोप पठाउने भन्दै २२ जनाबाट २ करोड ८८ लाख ठगी, विभागले गर्‍यो मुद्दा दायर

वैशाख २५, २०७९ आइतबार १०:४५:३७ | उज्यालो सहकर्मी

काठमाण्डौ – वैदेशिक रोजगार विभागले युरोपका विभिन्न देशमा आकर्षक तलब सुविधासहित वैदेशिक रोजगारीमा पठाउने प्रलोभन देखाई २२ जनालाई ठगी गरेको अभियोगमा एक कन्सलटेन्सी सञ्चालकसहित तीन जना विरुद्ध वैदेशिक रोजगार न्यायाधिकरण मुद्दा दायर गरेको छ ।

पोर्चुगल, स्पेन, फ्रान्ससहितका युरोपका देशमा वैदेशिक रोजगारीमा पठाउने भन्दै २२ जनाबाट २ करोड ८८ लाख ४१ हजार ७ सय रुपैयाँ ठगी गरेको पुष्टि भएपछि उनीहरू विरुद्ध न्यायाधिकरणमा मुद्दा दायर गरेको विभागले जनाएको छ ।

प्रतिव्यक्ति १७ लाख ९२ हजार रुपैयाँसम्म लिई ठगी गरेको भनी विभागमा परेको उजुरीको आधारमा वैदेशिक रोजगार विभागले गएको चैत २८ गते जेनियस एजुकेशन एण्ड कन्सलटेन्सी सर्भिस प्रा.लिका सञ्चालक सुजन भट्टराईलाई पक्राउ गरेको थियो ।

विभिन्न देशका विश्वविद्यालयहरूमा अध्ययन गर्न जाने विद्यार्थीहरूलाई परामर्श दिने उद्देश्यले दर्ता भएको कन्सलटेन्सीले वैदेशिक रोजगार ऐन २०६४ को दफा १० को प्रावधान विपरीत २२ जनाबाट २ करोड ८८ लाख ४१ हजार ७ सय रुपैयाँ ठगी गरेको पुष्टि भएको विभागले जनाएको छ ।

ठगीमा संलग्न कन्सलटेन्सी सञ्चालक बुटवल घर भएका सुजन भट्टराईसहित लमजुङ बेशिसहर घर भएका तर अहिले काठमाण्डौको नयाँ बसपार्कमा होटल सञ्चालन गरी बस्ने ५० वर्षका मेखबहादुर गुरुङ र यकिन ठेगाना नखुलेका सुनिल लम्सालसहितका व्यक्ति विरुद्ध ठगी गरेको २ करोड ८८ लाख ४१ हजार ७ सय र त्यसको हर्जाना बापत १ करोड ४३ लाख २५ हजार ८५० सहित ४ करोड ७ लाख २३ हजार ५० रुपैयाँमा माग दावीसहित मुद्दा दायर गरिएको छ ।

अन्तिम अपडेट: मंसिर १७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्