सामाजिक सञ्जालमा गलत सामग्री पाेस्ट गर्नेलाई कडा कारबाही हुने, फेसबुक मुख्यालयमा सम्पर्क गर्ने आयोगको प्रयास

वैशाख १८, २०७९ आइतबार १७:५८:९ | उज्यालो सहकर्मी

काठमाण्डाै – निर्वाचन आयोगले सामाजिक सञ्जालमा गलत सामग्री पाेस्ट गर्नेलाई कडा कारबाही गर्ने चेतावनी दिएको छ । आयोगमा आज आइतवार भएको पत्रकार सम्मेलनमा प्रवक्ता शालिग्राम शर्मा पौडेलले चुनावको बेलामा उम्मेदवार र राजनीतिक दललाई लक्षित गरेर हुँदै नभएका र तोडमोड गरिएका सामग्री सामाजिक सञ्जालमा राखेर फैलाउने क्रम बढेको भन्दै कडा निगरानी गरेर कारबाही गर्ने बताउनुभयो ।

राजनीतिक दल र उम्मेदवारप्रति लक्षित गरेर मिथ्या सामग्री, दुष्प्रचार र द्वेष अभिव्यक्ति फेसबुक, ट्विटर, टिकटक, भाइबर र अन्य सामाजिक सञ्जालमार्फत प्रचार भइरहेको भन्दै आयोगले गलत र भ्रामक सामग्री, व्यक्तिगत लाञ्छना तथा मानहानी हुने जस्ता क्रियाकलापका कारण स्वच्छ र निष्पक्ष ढङ्गले चुनाव सम्पन्न गर्ने काममा बाधा पुगेको जनाएको छ । यस्ता काम नगर्न/नगराउन आयोगले सर्वसाधारण, दल र उम्मेदवार सबैमा आग्रह गर्दै प्रचलित कानुनअनुसार कारबाही हुने जनाएको छ ।

आयोगले मिथ्या सामग्री फैलिनबाट रोक्न फेसबुक, ट्विटर, टिकटक लगायत कम्पनीसँग समन्वय गर्नका लागि सम्पर्कको पहल भइरहेको जनाएको छ । यसका लागि नयाँ दिल्ली, वाशिङ्टन र बेइजिङमा रहेका सामाजिक सञ्जालका कार्यालयसँग सम्पर्क गर्न त्यहाँ रहेका नेपाली दूतावासले सम्पर्क र समन्वय गर्न आयोगले परराष्ट्रमार्फत निर्देशन गरेको छ ।

यस्तै चुनावसँग सम्बन्धित गलत सामग्रीकाे प्रचारप्रसार रोक्नका लागि इन्टरनेट सेवा प्रदायक र केवल टेलिभिजन सञ्चालकलाई पनि आयोगले पत्राचार गरेको छ ।

अन्तिम अपडेट: मंसिर ७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्