कतारमा कोरोना सङ्क्रमित घटे, प्रतिबन्ध खुकुलो हुँदै

असोज १४, २०७८ बिहीबार १५:४९:५६ | उज्यालो सहकर्मी

काठमाण्डौ – कतारले कोरोना सङ्क्रमण रोकथामका लागि लगाएको विभिन्न प्रतिबन्धहरू खुकुलो बनाउँदै लगेको छ ।

कोरोना सङ्क्रमण दर घटेको भन्दै कतारले अनिवार्य मास्क, भौतिक दूरी लगायतको व्यवस्थामा खुकुलो बनाउँदै लगेको अल्जाजीरालेखबर लेखेको छ ।

बुधबार बसेको कतारको मन्त्रीपरिषद् बैठकले आउँदो अक्टोबर ३ देखि बाहिरी काममा मास्क अनिवार्यको व्यवस्था हटाउने निर्णय गरेको छ । तर सार्वजनिक कार्यक्रम, बजार र प्रर्दशनीहरुमा भने मास्क अनिवार्य नै छ ।

यसका साथै बजार र मलहरू पनि पूर्ण रूपमा सञ्चालन हुन पाउनेछन् । यी स्थानमा अधिकतम ग्राहकहरू जान पाउनेछन् ।

संग्रहालय र सार्वजनिक पुस्तकालय पनि पूर्ण रूपमा सञ्चालन गर्ने कतारले जनाएको छ । सरकारी र निजी क्षेत्रका कार्यालयलाई पनि पूर्णरुपमा काम सञ्चालनको लागि अनुमति दिइएको छ ।

तर मस्जिद, विद्यालय, अस्पताललगायतका स्थानमा जाँदा भने मास्क अझै पनि अनिवार्य नै गरेको छ ।

भित्री रेस्टुरेन्ट र क्याफेहरू पनि ७५ प्रतिशत क्षमताका साथ खुल्न पाउने छन् । तर बन्द ढोकाभित्र हुने कार्यक्रममा भने मास्क अनिवार्य गरेको छ ।

कतारको स्वास्थ्य मन्त्रालयले बुधबार ५१ नयाँ कोरोना सङ्क्रमित भेटिएको जनाएको छ । जसमध्ये २५ जना भने बाहिरबाट आएका मानिसमा कोरोना सङ्क्रमण देखिएको कतारले जनाएको छ ।

बुधबारसम्म कतारमा दुई लाख ३६ हजार ५५८ जनामा कोरोना सङ्क्रमण पुष्टि भएको छ । ६०५ जनाले कोरोना सङ्क्रमणबाट ज्यान गुमाएका छन् । कतारले अहिलेसम्म ४७ लाख डोज कोरोना खोप मानिसहरूलाई दिइएको जनाएको छ ।

अन्तिम अपडेट: मंसिर १७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्