दाङमा जनावरलाई पानी खान जङ्गलमा पोखरी

भदौ ७, २०७८ सोमबार ११:४४:३५ | हेमराज शर्मा

दाङ – वन्यजन्तुलाई जङ्गलभित्रै खानेपानीको व्यवस्थापन गर्न दाङको देउखुरीको जङ्गलमा पोखरी खनिएको छ । देउखुरीको लमही बजारदेखि १ किलोमिटर पूर्व राजमार्गदेखि ५ सय मिटरभित्र जङ्गलमा ठूल्ठूला पोखरी खनिएको छ ।

वन्यजन्तुलाई जङ्गलभित्रै खानेपानीको व्यवस्थापन गर्न पोखरी तयार पारिएको हो । पानी खानको लागि राजमार्ग पार गरेर खोला तथा बस्तीमा पस्ने जङ्गली जनावरलाई अब जङ्गलभित्रै आकाशे पानीलाई सञ्चित गर्ने उद्देश्यले पोखरी निर्माण गरिएको डिभिजन वन कार्यालय देउखुरीले जनाएको छ ।

देउखुरीका विभिन्न ठाउँमा गरि आधा दर्जनभन्दा धेरै ठाउँमा जङ्गलभित्रै संरक्षण पोखरी निर्माण गरेर जनावरलाई पानी व्यवस्थापन गरिदिएको छ । लमही नगरपालिका वडा – ५ मा रहेकाे पारिजात महिला सामुदायिक वन उपभोक्ता समूहभित्र संरक्षण पोखरी निर्माण गरिएको छ । वन क्षेत्रभित्रको खाली जमिनलाई पोखरीको आकार दिएपछि आकाशे पानी जम्मा भएको छ ।

डिभिजन वन कार्यालयल देउखुरीले लमही नगरपालिका, राजपुर गाउँपालिका, गढवा गाउँपालिका र राप्ती गाउँपालिका भित्रका विभिन्न सामुदायिक वन उपभोक्ता समूहमा आधा दर्जन बढी संरक्षण पोखरी निर्माण गरेको छ । यसरी पोखरी निर्माण गर्दा वन्यजन्तुलाई पानी उपलब्ध भएको छ भने जमिनमुनिको पानी संरक्षणमा सहयोग पुगेको रेञ्जर हरि पौडेलले जानकारी दिनुभयो ।

जङ्गली जनावरहरू पानीको खोजीमा खोला तथा तलाउ खोज्दै राजमार्ग हुँदै गाउँबस्तीमा पुग्ने भएका कारण राजमार्गमा गाडीको ठक्करबाट मर्ने तथा घाइते हुने अवस्थामा र गाउँबस्तीमा जङ्गली जनावरको भय हुने अवस्था देखिँदै आएको थियो । पोखरी निर्माण भएसँगै जङ्गली जनावरको सुरक्षा र मानव बस्तीमा जङ्गली जनावरको त्रास कम गर्न यी पोखरीहरू उपयोगी हुने देखिने वन कार्यालयको भनाइ छ ।

डिभिजन वन कार्यालय देउखुरीले आर्थिक वर्ष २०७७/७८ को वार्षिक स्वीकृत कार्यक्रम अनुसार यहाँ पोखरी निर्माण गरेको हो ।

अन्तिम अपडेट: मंसिर २३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

हेमराज शर्मा

दाङमा बसेर पत्रकारिता गर्ने हेमराज शर्मा लामो समयदेखि उज्यालोमा कार्यरत हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्