काकीको पासपोर्ट चोर्दा तीन महिना जेल

भदौ १०, २०७५ आइतबार १३:३३:११ | उज्यालो सहकर्मी

युएई – दुवईमा आफ्नै काकीको पासपोर्ट चोर्ने एक जना महिला पक्राउ परेकी छन् ।

गएको मे महिनामा बिदाको बेला पासपोर्ट चोरेर ती महिला टर्की पुगेकी थिइन् । दुवई अन्तर्राष्ट्रिय विमानस्थलबाट टर्की उड्न लागेकी २३ वर्षकी महिलाले पासपोर्ट बोकेकी थिइन् । तर परिचय खुल्ने कुनै पनि व्यक्तिगत कागजपत्र बोकेकी थिइनन् ।

उनकी काकीले आफूले राखेको ठाउँमा पासपोर्ट नभेटेपछि दुवई प्रहरीमा पासपोर्ट हराएको उजुरी दिएकी थिइन ।

प्रहरीले रेकर्ड जाँच गर्दा उनको पासपोर्ट प्रयोग गरेर कोही टर्की उडेको पत्ता लागेको थियो । ती महिलाले फर्किंदा त्यही पासपोर्ट अध्यागमनका कर्मचारीलाई देखाएपछि उनी पक्राउ परेको गल्फ न्युजले जनाएको छ ।

‘मैले पासपोर्ट छोरीले चाेरेको थाहा पाएपछि उसको परिवारलाई पनि खबर गरेको हुँ, उनीहरुले साथीसँग बाहिर जान लागेका बताएको र त्यसपछि फोन लागेन भने,’ काकीले भनिन् ।

अरुको पासपोर्ट चाेरेर प्रयोग गरेकाले ती महिलालाई तीन महिनाको जेल सजाय हुने भएको छ ।

अन्तिम अपडेट: मंसिर २१, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्