माथिल्लो तामाकोशी जलविद्युत् आयोजनाको सुरुङमा पानी खसालियो

वैशाख १६, २०७८ बिहीबार १७:३७:२ | उषा तामाङ

काठमाण्डाै – स्वदेशी लगानीमा निर्माण भइरहेको माथिल्लो तामाकोशी जलविद्युत् आयोजनाको सुरुङमा पानी खसालिएको छ । चार सय ५६ मेघावाट क्षमताको जलविद्युत् आयोजनाको बाँधस्थलमा पानी भर्ने बटम थिचेर सञ्चार तथा सूचना प्रविधि मन्त्री पार्वत गुरुङ र भौतिक तथा पूर्वाधार मन्त्री वसन्त नेम्वाङले सुरुङमा पानी खसाल्ने कामको सुरुवात गर्नुभएकाे हाे ।

कार्यक्रममा सञ्चार मन्त्री पार्वत गुरुङले नेपालको जलविद्युत् क्षेत्रको इतिहासमा सबैभन्दा खुसीको क्षण भएको बताउनुभयो ।

राष्ट्रिय गौरवको आयोजनाको रूपमा लिइएको तामाकोशी आयोजनाले वैशाख मसान्तसम्म पहिलो युनिटबाट ७६ मेगावाट विद्युत् उत्पादन गर्ने लक्ष्य राखेको छ । यद्यपि आयोजनाले विद्युत् उत्पादनको मिति भने अहिलेसम्म तय गरेको छैन । सुरुङमा पानी पठाएपछि मुख्य सुरुङ र पेनस्टकको परीक्षण हुने आयोजनाले जनाएको छ ।

माथिल्लो तामाकोशी जलविद्युत् आयोजनाबाट विद्युत् उत्पादन सुरु भएपछि वार्षिक दुई अर्ब २८ करोड युनिट बिजुली उत्पादन हुनेछ । आयोजनाले बिजुली बिक्रीबाट वार्षिक नौ अर्ब रुपैयाँ आम्दानी गर्नेछ ।

अहिलेसम्म आयोजनाको सुरुङ, प्रसारण लाइन, बाँध, सबस्टेशन जस्ता संरचनाका सिभिल र मेकानिकलतर्फका काम गर्न बाँकी रहेका छिटफुट काम भइरहेको आयोजनाले जनाएको छ ।

अन्तिम अपडेट: मंसिर २३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

उषा तामाङ

उज्यालोका दोलखा सहकर्मी उषा तामाङ कालीञ्चोक एफएममा पनि कार्यरत हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्