ओमानमा 'गैरकानुनी' भएका विदेशी नागरिकलाई जरिवाना नतिरेरै घर फर्किन पाउने अवधि थप

चैत १९, २०७७ बिहीबार १७:५४:४७ | उज्यालो सहकर्मी

काठमाण्डौ – ओमानमा अलेखबद्ध (गैरकानुनी) भएका विदेशी नागरिकलाई घर फर्किने अवधि थप गरिएको छ ।

भिसाको म्याद तथा आवासीय परिचयपत्रको अवधि समाप्त भइ अवैध रुपमा ओमानमा बस्दै आएका वा काम गरिरहेका सबै विदेशी नागरिकहरुलाई घर फर्किनको लागि निःशुल्क कानुनी प्रक्रियामा सहभागी हुने अवधि थप गरिएको हो ।

योभन्दा पहिले ओमानको श्रम मन्त्रालयले २०२० नोभेम्बर १५ देखि डिसेम्बर ३१ सम्मको अवधि थप गरेर २०२१ मार्च ३१ सम्म बनाएको थियो । कोरोना महामारीका कारण अवैधानिक नागरिक आफ्नो देश फर्किन नसकेकाले समय अवधि बढाएर अहिले जुन ३० सम्म बनाएको छ ।

यो सँगै ओमानमा रहेका नेपाली श्रमिकले पनि यसको फाइदा लिन सक्नेछन् । यो अवसरको फाइदा लिएर जरिवाना नतिरेरै आफ्नै खर्चमा घर फर्किन अलेखबद्ध नेपालीलाई ओमानमा रहेको दूतावासले आग्रह गरेको छ ।

यस्तै दूतावासले कामदार अनुमति पत्र तथा भिसाको म्याद सकिएर ओमानमा अलेखबद्ध भएका नेपाली श्रमिकलाई दूतावासमा सम्पर्क गर्न आग्रह गरेको छ । यो प्रक्रिया सम्बन्धी थप बुझ्नको लागि दूतावासको फोन नम्बर ७१५९२४९० वा ७१५९२५०६ मा सम्पर्क गर्न दूतावासले आग्रह गरेको छ ।

अन्तिम अपडेट: मंसिर १७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्