विदेशमा ६३ हजारभन्दा धेरै नेपालीमा कोरोना सङ्क्रमण

चैत १६, २०७७ सोमबार १०:४२:२४ | उज्यालो सहकर्मी

काठमाण्डौ – विश्वका विभिन्न ५३ देशमा रहेका ६३ हजार ८ सय ५४ नेपालीमा कोरोना पुष्टि भएको छ । गैर आवासीय नेपाली संघ एनआरएनएको स्वास्थ्य समितिको तथ्याङ्क अनुसार अहिलेसम्म ५३ देशमा रहेका ६३ हजार ८ सय ५४ जना नेपालीमा कोरोना सङ्क्रमण भएको छ भने २२ देशमा रहेका तीन सय ४५ जना नेपालीको कोरोनाबाट ज्यान गएको छ ।

समितिका अनुसार कोरोना सङ्क्रमणबाट गएको साता मात्रै थप ३ नेपालीको ज्यान गएको हो । गएको साता बेल्जियम, मलेसिया र यूएईमा रहेका नेपालीहरूमा थप कोरोना सङ्क्रमण देखिएको स्वास्थ्य समितिका संयोजक डा. सञ्जीव सापकोटाले जानकारी दिनुभयो ।

सङ्क्रमित ६३ हजार ८ सय ५४ जना मध्ये ६१ हजार ९ सय ८० जना कोरोना सङ्क्रमणमुक्त भएका छन् ।

स्वास्थ्य समितिका संयोजक डा.सापकोटाले पछिल्ला दिनमा भारतमा सङ्क्रमण तीव्र फलिएको र भारतबाट नेपाल फर्किनेको सङ्ख्या पनि बढिरहेकाले सबैलाई अनिवार्य स्वास्थ्य मापदण्ड अपनाउन अनुरोध गर्नुभएको छ ।

उच्च स्वास्थ्य सतर्कता अपनाउनुका साथै खोप लगाएका र लगाउन बाँकी सबैले मास्क, सामाजिक दूरी, हातको सरसफाइ, हावा ओहोरदोहोर हुने ठाउँमा बसेर जनस्वास्थ्यको उपाय कडाइका साथ पालना गर्न डा. सापकोटाको सुझाव छ ।

अन्तिम अपडेट: मंसिर १७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्