वैदेशिक रोजगारी : ३१ प्रतिशत श्रमिकले पठाउँछन् सबै तलब घरमा

चैत ५, २०७७ बिहीबार १४:२९:१५ | उज्यालो सहकर्मी

काठमाण्डौ – वैदेशिक रोजगारीमा गएका ३१ प्रतिशत श्रमिकले आफ्नो सबै तलब घर पठाउने गरेको पाइएको छ ।

वैदेशिक रोजगार बोर्डले गरेको ‘विप्रेषणको प्रभावकारी उपयोग सम्बन्धी अध्ययन प्रतिवेदन’का अनुसार मलेसिया लगायत खाडीका देशमा रहेका ३१ दशमलव १ प्रतिशत नेपालीले आफ्नो सबै तलब घर पठाउँछन् । यस्तै ५० प्रतिशतले आफ्नो तलबको आधाभन्दा बढी भाग र १२ प्रतिशतले आधा जति तलब घर पठाउने गरेको पाइएको छ । यस्तै ४ दशमलव ३ प्रतिशतले आधाभन्दा कम र २ दशमलव ३ प्रतिशतले भने आफ्नो तलबको एकदम थोरै भाग मात्र घरमा पठाउने गरेको अध्ययनले देखाएको छ ।

वैदेशिक रोजगारीमा रहेका श्रमिक तलब बुझेपछि पैसा घर पठाउने समयको अन्तराल पनि फरक फरक पाइएको छ । जसमध्ये १८ दशमलव ९ प्रतिशतले महिनैपिच्छे, ५ दशमलव ४ प्रतिशतले दुई महिनामा एकपटक र ६४ दशमलव ९ प्रतिशतले तीन–तीन महिनाको अन्तरालमा पैसा घर पठाउने गरेका छन् । यस्तै ९ दशमलव ४ प्रतिशतले ६ महिनाको फरकमा र १ दशमलव ४ प्रतिशतले भने वर्षमा एकपटक मात्र आफ्नो कमाइ घर पठाउने गरेको अध्ययनले देखाएको छ ।

सामान्यतः विवाहितले श्रीमान/श्रीमतीलाई र अविवाहितले बुवाआमालाई पैसा पठाउने गरेको पाइएको छ । अध्ययन प्रतिवेदनले ४४ दशमलव ९ प्रतिशतले श्रीमान/श्रीमतीलाई, २६ दशमलव ३ प्रतिशतले बुवा र १३ दशमलव ४ प्रतिशतले आमाको नाउँमा पैसा पठाउने गरेको अध्ययनले देखाएको छ । बाँकी १५ दशमलव ४ प्रतिशतले घरका अरु सदस्यको नाउँमा पैसा पठाउने गरेको पाइएको छ ।

यो अध्ययन नेपाली श्रमिक वैदेशिक रोजगारीमा बढी जाने गरेका चार प्रदेश १, २, वाग्मती र लुम्बिनी प्रदेशमा गरिएको हो । गन्तव्य देशमा कम्तीमा पनि ६ महिना बसेर नेपाल फर्केका चार परदेशका ३ सय ५० जनामा यो अध्ययन समेटिएको बोर्डले जनाएको छ ।

अन्तिम अपडेट: मंसिर १७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्