म्यानपावरलाई उपलब्ध गराउने सेवा शुल्क नखुलाए कतारमा माग पत्र प्रमाणीकरण नहुने

फागुन १८, २०७७ मंगलबार ११:३१:४४ | उज्यालो सहकर्मी

काठमाण्डौ – कतारका रोजगारदाताले नेपाली श्रमिक लैजान म्यानपावरलाई उपलब्ध गराउने सेवा शुल्क उल्लेख नगरे माग पत्र प्रमाणीकरण नहुने भएको छ ।

मार्च १ अर्थात् हिजोदेखि म्यानपावरलाई उपलब्ध गराउने सेवा शुल्क उल्लेख नगर्ने रोजगारदाताको माग पत्र प्रमाणीकरण नगर्ने कतारमा रहेको नेपाली दूतावासले जनाएको छ ।

नेपालबाट श्रमिक पठाए बापत रोजगारदाताले नै म्यानपावरलाई सेवा शुल्क उपलब्ध गराउँछन् । तर नेपालमा भने श्रमिकले नै म्यानपावरलाई मागे जति रकम उपलब्ध गराउनुपर्ने बाध्यता छ । यसअघि माग पत्र प्रमाणीकरणका लागि म्यानपावरलाई उपलब्ध गराउने सेवा शुल्क उल्लेख गर्नुपर्ने व्यवस्था थिएन ।

तर अब भने यो व्यवस्था लागू भइसकेको भन्दै दूतावासले अनिवार्य रूपमा माग पत्र ल्याउँदा रोजगारदाताले म्यानपावरलाई उपलब्ध गराउने सेवा शुल्क पनि उल्लेख गर्नुपर्ने जनाएको छ । तर यो नियमप्रति नेपाल वैदेशिक रोजगार व्यवसायी संघले आफ्नो गम्भीर ध्यानाकर्षण भएको बताएको छ ।

यस्तै साउदीमा रहेको नेपाली दूतावासमा माग पत्र प्रमाणीकरणको काम स्थगित भएको छ । प्रमाणीकरण भइसकेका मागहरू वैदेशिक रोजगार सूचना व्यवस्थापन प्रणालीमा राख्नका लागि दूतावासले आज मंगलबारदेखि १० मार्च अर्थात् फागुन २६ गतेसम्मका लागि स्थगित गरिएको जनाएको छ ।

अन्तिम अपडेट: मंसिर २३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्