वैदेशिक रोजगार व्यवसायीबाट भइरहेको ठगी नियन्त्रण गर्न माग गर्दै ज्ञापनपत्र

माघ २१, २०७७ बुधबार १३:३१:३८

काठमाण्डौ – आप्रवासी कामदार हकहित संरक्षण केन्द्र धनुषाले वैदेशिक रोजगार व्यवसायीबाट भइरहेको ठगी नियन्त्रण गर्न माग गर्दै प्रमुख जिल्ला अधिकारी समक्ष ज्ञापनपत्र बुझाएको छ ।

वैदेशिक रोजगारीको नाममा म्यानपावर व्यवसायीले गरिरहेको ठगी नियन्त्रण गर्न वैदेशिक रोजगार विभागबाट भइरहेको अनुगमनलाई तिब्रता दिनुपर्ने माग गर्दै आप्रवासी कामदार हकहित संरक्षण केन्द्र धनुषा जिल्ला स्तरीय समितिले प्रमुख जिल्ला अधिकारीमार्फत विभाग, प्रधानमन्त्री तथा मन्त्रीपरिषदको कार्यालय र श्रम मन्त्रालयलाई ज्ञापन पत्र बुझाएको हो ।

साथै समितिले फ्रि भिसा फ्रि टिकट पूर्ण रुपमा कार्यान्वयन हुन पर्ने, विदेशमा ज्यान गुमाएकाको शव तत्काल ल्याउने व्यवस्था गर्न, विदेशमा कोरोना महामारीका कारण अलपत्र परेका श्रमिकको उद्धारमा ढिलाई नगर्न पनि माग गरेको छ ।

वैदेशिक रोजगारीको क्रममा ज्यान गुमाएका मृतकका परिवारलाई प्रदान गरिने बीमाबापतको रकम भुक्तानी दिने क्रममा पनि इच्छा बिपरित सबै प्रिमियम एकै पटकमा अशुल गरी पाँच लाखसम्मको बीमा गराइरहेको भन्दै समितिले बीमाको नाममा ठगी गर्ने काम गर्नेलाई तत्काल कारबाही गर्न पनि माग गरेको छ ।

आप्रवासी कामदार हकहित संरक्षण केन्द्र धनुषा जिल्ला स्तरीय समितिले जिल्लामा वैदेशिक रोजगारीको क्षेत्रलाई सुरक्षित, व्यवस्थित र अधिकतम लाभदायी बनाउन थप प्रयास गर्नुपर्ने आवश्यकता पनि औंल्याउँदै सरकार समक्ष ज्ञापनपत्र बुझाएको जनाएको छ । धनुषा जिल्ला वैदेशिक रोजगारीमा जानेको सङ्ख्याका आधारमा पहिलो नम्बरमा पर्छ ।

अन्तिम अपडेट: मंसिर २३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्