लखिमपुरदेखि गौरीफन्टासम्म जोड्ने ६६ किमी सडककाे स्तरोन्नति हुने

साउन ३०, २०७५ बुधबार १९:४३:३९ | निर्मला खडायत

कैलाली – भारतको लखिमपुर—गौरीफन्टा जोड्ने सडकको भारतीय सांसद अजय मिश्र टेनीले मंगलबार एक समारोहका बीच शिलन्यास गर्नुभएको छ ।

दुधवा राष्ट्रिय निकुञ्जकका कारण गौरीफन्टा नाकाको स्तरोन्नती हुन नसकेको चर्चा चलेका बेला भारतले दुधवा–गौरीफन्टा सडक स्तरोन्नति गर्ने भएको छ ।
पलियामा रहेको राष्ट्रपति पार्कमा सांसद टेनीले सडकको शिलन्यास गर्नुभएको हो । शिलन्यासपछि दुधुवा—डिगनिया चौराहा (गौरीफन्टा) अहिले कायम रहेको सडकको चौडाइमा एक मिटर थप चौडा हुनेछ ।

दुधुवादेखि गौरीफन्टासम्मको २० किलोमिटर सडक निर्माणमा झण्डै १७ करोड ८९ लाख भारतीय रुपैयाँ (२८ करोड ६२ लाख ४० हजार नेपाली रुपैयाँ) लाग्ने अनुमान गरिएको छ । लखिमपुरदेखि गौरीफन्टासम्म जोड्ने ६६ किमी सडकको निर्माणमा भने दुई सय ५१ करोड भारतीय रुपैयाँ (चार अर्ब एक करोड ६० लाख नेपाली रुपैयाँ) लाग्ने बताइएको छ ।

चन्दनचौकी—सुडा र लखिमपुर—पलिया सडक चार लेनको निर्माण हुनेछ भने दुधुवा गौरीफन्टा जोड्ने अहिलेको सडकभन्दा थप एक मिटर चौडा हुनेछ । सडक निर्माण कार्य २०१९ भित्र निर्माण पूरा हुनेछ । सडकको दुधुवा—गौरीफन्टा सडकको निर्माणले प्रदेश नम्बर सातका उद्योगी, व्यवसायी तथा सर्वसाधारणलाई व्यापार तथा आवागमनमा अत्यन्त सहज हुने बताएका छन । दुधुवा—गौरीफन्टा सडक अत्यन्त जिर्ण भएका कारण अहिले यस मार्गमा आवातजावत गर्न निकै कठिनाई हुने गरेको छ ।

दुधवा–गौरीफन्टा सडक भत्किएर नाजुक अवस्थामा रहेको छ भने निकै साघुँरो पनि छ । अस्तव्यस्त सडकका कारण दिनहु दुर्घटना समेत हुने गरेको छ । दुधवा राष्ट्रिय निकुञ्जकका कारण गौरीफन्टा नाकाको स्तरोन्नती हुन नसकेको चर्चा चलेका बेला भारतले दुधवा–गौरीफन्टा सडक स्तरोन्नतीका लागि नाकाको शिलन्यास गरेको छ ।

प्रदेश ७ लागि महत्वपूर्ण रहेको र मुख्य मन्त्रीलगायत सम्पूर्ण सदस्यहरु तथा संघीय सरकारलाई निरन्तरता गर्नु पर्ने प्रतिवद्धा व्यक्त गर्नुभयो । प्रदेश ७ लाई समृद्ध बनाउनको लागि गौरीफन्टा नाका महत्वपूर्ण आवश्यक पर्ने धनगढी उप–महानगरपालिका प्रमुख नृपबहादुर वडले बताउनुभयो ।

अन्तिम अपडेट: मंसिर १३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

निर्मला खडायत

खडायत कैलालीका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्