लुम्बिनी प्रदेश राजधानीको लागि देउखुरीमा जग्गा प्राप्तिको प्रक्रिया सुरु

मंसिर १६, २०७७ मंगलबार १३:३१:५३ | हेमराज शर्मा

दाङ – लुम्बिनी प्रदेश सरकारले स्थायी राजधानीको लागि दाङको देउखुरीमा जग्गा प्राप्तिको प्रक्रिया सुरु गरेको छ ।

मुख्यमन्त्री शंकर पोख्रेलको अध्यक्षतामा बसेको लुम्बिनी प्रदेश मन्त्री परिषदको बैठकले स्थायी राजधानीको जग्गा प्राप्तिको लागी प्रक्रिया सुरु गरेको हो । राप्ती प्राविधिक शिक्षालय, लालमटीया मा १७ बिगाह १९ कट्ठा जमिन प्रदेश सरकारको उपयोगको लागी केन्द्र सरकारसँग माग गर्ने निर्णय भएको मुख्यमन्त्री पोख्रेलको स्वकीय सचिव सुरेश गौतमले जानकारी दिनुभयो ।

राप्ती प्रविधिक शिक्षालयलाई सरस्वती मावि गोवर्डिहामा स्थानान्तरण गर्न स्वीकृति प्रदान गर्ने निर्णय समेत भएको छ । मन्त्री परिषदको बैठकले राजधानी समेत सबै कामलाई अगाडि बढाउन आन्तरिक मामिला तथा कानुन मन्त्री कुलप्रसाद केसीको संयोजकत्वमा विभिन्न मन्त्री र सचिवहरु रहेको निर्देशक समिति गठन गरेको छ ।

यसैगरी शिक्षालयमै पूर्वाधार विकास प्राधिकरणको कार्यालय स्थापना गर्ने निर्णय समेत बैठकले गरेको छ । केही दिन भित्र प्राधिकरणको कार्यालय राखिने छ । गएकाे असोज २० गते प्रदेश सभाको बैठकले प्रदेश नं. ५ को नाम लुम्बिनी प्रदेश र स्थायी राजधानी राप्ती उपत्यका देउखुरी राख्ने निर्णय गरेको थियो ।

स्थायी राजधानीमा प्रदेश सभाको बैठक राख्ने तयारी गरिएको थियो । सभामुख पूर्णबहादुर घर्ती, उपभामुख कृष्णी थारु, आन्तरिक मामिला तथा कानुन मन्त्री कुलप्रसाद केसी लगायतको टोलीले राप्ती प्राविधिक शिक्षालय रहेको क्षेत्रको अनुगमन गरेको थियो । जग्गा र संरचना प्रदेश सरकारलाई प्राप्त भए प्रदेश सभाको सबै काम अगाडि बढाउन सकिने निस्कर्ष निकालिएको थियो ।

अन्तिम अपडेट: मंसिर १४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

हेमराज शर्मा

दाङमा बसेर पत्रकारिता गर्ने हेमराज शर्मा लामो समयदेखि उज्यालोमा कार्यरत हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्