दोलखाकोे च्छो रोल्पा हिमताल भ्रमणमा स्थानीयले नै रोक लगाए

कात्तिक १४, २०७७ शुक्रबार २०:१६:३९ | उषा तामाङ

दोलखा – दोलखाकोे च्छो रोल्पा हिमताल भ्रमणका लागि गौरीशंकरवासीले रोक लगाएका छन् । कोरोना भाइरसको सङ्क्रमण बढ्दै गएकाले केही समयको लागि बाहिरी नागरिकलाई प्रवेशमा रोक लगाइएको हो ।

रोल्वालिङ हिमश्रृङ्खला साथै च्छो रोल्पा हिमताल विश्वकै चर्चित पर्यटकीय गन्तव्य हो । अहिले यस ठाउँको घुमघाम गर्ने समय हो । तर यस वर्ष कोरोना भाइरसको प्रकोपका कारण गौरीशंकर गाउँपालिका वडा नं. ९ वडा कार्यालय र स्थानीयवासीले पर्यटकलाई प्रवेशमा रोक लगाएका हुन् ।

फुर्सदको समयको सदुपयोग गर्दै पर्यटकहरु विभिन्न ठाउँमा घुम्न थालेका छन् । घुम्ने क्रममा च्छो रोल्पा जानेको पनि लर्को छ । तर महामारीको समयमा पर्यटकहरुको चहलपहलबाट गाउँमा कोरोना फैलिन सक्ने डरले स्थानीय स्वयंले प्रवेशमा रोक लगाएका हुन् ।

सार्वजनिक सूचना प्रसारण र प्रकाशन गर्दा गर्दै जबरजस्ती कोही प्रवेश गर्न खोजेमा स्थानीयवासीले कारबाहीसमेत गर्ने भएकाले सबैलाई सचेत रहन वडाध्यक्ष छिरिङ शेर्पाले आग्रह गर्नुभएको छ । महामारी साम्य भएपछि आन्तरिक तथा बाह्य पर्यटकलाई स्वागतका साथ प्रवेश गराउने वडाध्यक्ष शेर्पाले जानकारी दिनुभयो ।

अन्तिम अपडेट: मंसिर २०, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

उषा तामाङ

उज्यालोका दोलखा सहकर्मी उषा तामाङ कालीञ्चोक एफएममा पनि कार्यरत हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्