दुर्इ महिनाकाे बीचमा विराट मेडिकल कलेजमा फेरि अर्की सुत्केरीको ज्यान गयाे

साउन २४, २०७५ बिहीबार २०:५५:३० | सुमन तिमल्सिना

माेरङ - टंकीसिनवारीमा रहेकोे विराट मेडिकल कलेजकाे टिचिङ्ग हस्पिटलको लापरबाहीले सुत्केरी महिलाको ज्यान गएको छ ।

सुनसरीको इटहरी उपमहानगरपालिका– १३ खनारकी २५ वर्षीया सगिरा खातुनको उपचारमा भएको लापरवाहीको कारण ज्यान गएको मृतकका आफन्तको आरोप छ ।

सुत्केरीको मृत्युपछि आक्रोशित आफन्तले नारावाजी गरेपछि अस्पताल दिनभर तनावग्रस्त बन्यो ।

पीडितका आफन्तहरुले लापरबाही गर्ने चिकित्सकलाई कारबाही नगरे आन्दोलनमा उत्रिने मृतकका काका ससुरा रहमल मियाँले बताए ।

चिकित्सकको लापरवाहीले सुत्केरीको मृत्यु भएपछि पीडितहरुको आक्रोशित भीड नियन्त्रण गर्न मोरङ प्रहरीले प्रहरी निरीक्षको नेतृत्वमा ठूलो संख्यामा प्रहरी परिचालन गरेको छ ।

सामान्य पेट दुखेपछि साउन १७ गते खातुनलाई आफन्तले विराट टिचिङ्ग हस्पिटलमा भर्ना गराएका थिए । ‘सामान्य पेट दुखो भनेर हस्पिटल लगेको थियौँं,’ मृतकका काका ससुरा रहमलले भने, ‘८ महिनाको गर्भ रहेको बुहारीको चिकित्सकले भर्ना गरेकै दिन शल्यक्रिया गरिदयो ।’

लापरवाही गर्ने चिकित्सकलाई कानुनी रुपमा कारवाही गर्नुपर्ने उनीहरुको माग छ । हस्पिटलको स्त्री रोग तथा प्रसूति रोग विशेषज्ञ डा. हनुनी प्रसाद पोखरेलको टाेलीले सगिराको उपचार गरेका थियाे ।

अस्पताल व्यवस्थापक अरविन्द्र मण्डलले बिरामीलाई इन्फेक्सन भएर आमा र बच्चाको अवस्था खतराजनक भएको कारणले आफन्तको सल्लाह्मा शल्यक्रिया गरेको बताए ।

उनले भने, ‘बिरामी भएकी खातुनलाई ‘एक्मसिया’ देखियो । एक्मसिया हुँदा शल्यक्रिया गरिएन भने बिरामीको मृत्युसम्म हुन सक्छ,’ उनले भने ।

बिरामी भएकी खातुनमा पोषणको समेत कमी रहेको अस्पताल प्रशासनले जनाएको छ । खातुनको मृत्यु भएपनि उनको नवजात शिशु छोरी सकुशल रहेको अस्पतालले जनाएको छ ।

दुई महिना अघि पनि यस अस्पतालमा एक जना सुत्केरी महिलाको मृत्यु भएको थियो । दुहवी-९ सोनापुर घर भएकी रफीद मियाँको छोरीको मृत्यु भएको थियो ।

अन्तिम अपडेट: मंसिर २०, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

सुमन तिमल्सिना

सुमन तिमल्सिना मोरङका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्