बिदामा आएकाहरु फर्कन थाले बहराइन, रोजगारीको जिम्मेवारी आफैंले लिनुपर्ने

असोज १, २०७७ बिहीबार १७:१:२६ | उज्यालो सहकर्मी

काठमाण्डौ – बहराइनबाट बिदामा आएका तर कोरोनाको कारण नेपालमै रोकिएका नेपालीहरु बहराइन फर्कन थालेका छन् ।

बिदामा आएका तर कोरोनाका कारण रोकिएका १४५ जना बहराइन पुगिसकेको बहराइनमा रहेको नेपाली दूतावासले जनाएको छ । यस्तै बहराइनमा रहेको नेपाली दूतावासले बहराइन फर्कन चाहने २१५ जना नेपालीको नामावली पनि सार्वजनिक गरेको छ ।

तर अब बहराइन फर्कनेले काम पाउने, नपाउने लगायत सबै कुराको जिम्मेवारी भने आफैंले लिनु पर्नेछ । सबैभन्दा पहिले बहराइन जानका लागि पीसीआर जाँच नेगेटिभ भएको रिपोर्ट, भ्यालिड भिसा, श्रम स्वीकृतिको कागजात साथमा लिएर यात्रा गर्नुपर्छ । बहराइनमा रोजगारदाताले काम दिन्छन् भन्ने कुराको जिम्मेवार स्वयं व्यक्ति आफैं हुनुपर्छ ।

बहराइन पुगेपछि बहराइन सरकारले जारी गरेको Beaware नाम एप डाउनलोड गरी त्यो एपमा मागेको विवरणहरु राख्नुपर्छ । बहराइन पुगेपछि बहराइन दिनार ३० तिरेर कोरोना परीक्षण गराउनुपर्छ । नेगेटिभ आएमा सात दिन आइसोलेशनमा बस्नुपर्छ र आइसोलेशनमा बसेको सात दिनपछि फेरि कोरोना जाँच गराउनुपर्छ ।

त्यसबेलामा पनि बहराइन दिनार ३० लाग्नेछ । यो खर्च व्यक्ति स्वयंले नै व्यहोर्नुपर्छ । नेपालबाट जानुअघि पनि नेपाल सरकारले लागू गरेका सबैखाले नियमहरु पालना गर्नु पर्नेछ ।

बहराइन पुगिसकेपछि केही कारणबस अध्यागमनले अनुमति नदिएमा त्यसको जिम्मेवारी व्यक्ति स्वयंले नै लिनु पर्नेछ ।

अन्तिम अपडेट: मंसिर २३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्