अगष्ट १ देखि व्यवसायिक उडानहरु खोल्दै कुवेत, बिदामा घर आएका नेपाली पनि जान पाउने

साउन १४, २०७७ बुधबार १८:२९:२९ | उज्यालो सहकर्मी

काठमाण्डौ – कुवेतले कोरोनाको कारण बन्द रहेको व्यवसायिक उडानहरु झण्डै ६ महिनापछि खोल्ने भएको छ ।

कुवेतले अगष्ट १ अर्थात साउन १७ गतेदेखि बन्द रहेको व्यवसायिक उडानहरु खोल्ने निर्णय गरेको हो । कुवेत प्रवेश गर्ने र बाहिरिने यात्रुसँग अनिवार्य रुपमा कोरोना नेगेटिभ भएको रिपोर्ट हुनु पर्नेछ । कुवेतले तीन चरणमा अन्तर्राष्ट्रिय उडान खोल्ने निर्णय गरेको हो ।

पहिलो चरणमा दिनमा १० हजार यात्रु र एक सय उडान नबढ्ने गरी व्यवसायिक उडानहरु हुनेछन् । यो योजना आउँदो ६ महिनासम्म लागू हुनेछ । कुवेतमा विस्तारै काम पनि सुरु हुन थालेको र व्यवसायिक उडान पनि खुल्ने भएपछि कोरोनाको कारण समस्यामा परेका नेपाली श्रमिकलाई पनि आवतजावतमा सजिलो हुने कुवेतका लागि नेपाली राजदूत दुर्गाप्रसाद भण्डारीले बताउनुभएको छ ।

कुवेतले व्यवसायिक उडान खोलेसँगै बिदामा नेपाल आएर र कोरोनाको कारण फर्कन नपाएकाहरु पनि कुवेत रोजगारीका लागि जान सक्नेछन् । यस्तै कुवेत लकडाउन खुकुलो गर्दै तेस्रो चरणमा प्रवेश गरेको छ । कर्फ्यु खुकुलो भएको छ भने ट्याक्सीहरु पनि चल्न थालेका छन् ।

कुवेतमा बिहान १० बजेदेखि बेलुकी ८ बजेसम्म मलहरु खुल्नेछन् । यो चरणमा सरकारी र निजी क्षेत्रहरु ५० प्रतिशत जनशक्तिका साथ सञ्चालन हुन पाउनेछ्न् । होटल रिर्सोट लगायतका क्षेत्र पनि खुलेका छन् ।

अन्तिम अपडेट: मंसिर १७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्