विदेशी नागरिकलाई प्रवेश अनुमति दिनेबारे कुवेतले समीक्षा गर्दै

साउन ९, २०७७ शुक्रबार १०:४३:१७ | उज्यालो सहकर्मी

काठमाण्डौ – कोरोनाको कारण कुवेत फर्कन नपाएका विदेशी नागरिकको बसोबासको अनुमतिका लागि कुवेतले समीक्षा गर्ने भएको छ ।

बिदामा आफ्नो देश गएका र कोरोना महामारीका कारण तोकिएको समयमा फर्कन नपाएकाको कुवेतको बसोबासको अनुमतिका सन्दर्भमा समीक्षा गरेर निर्णय लिने कुवेतको अन्तरिक मन्त्रालयले जनाएको छ । कुवेतले विभिन्न विकल्पमाथि छलफल गरिरहेको छ ।

समयमा फर्कन नपाउँदा प्रवेश अनुमति सकिएकाको हकमा भिजिट भिसामार्फत प्रवेश अनुमित दिने र रोजगारदाताबाट बसोबासको भिसा लिने विकल्प पनि अघि सारेको छ । तर यस सम्बन्धमा थप विचार गर्ने कुवेतले जनाएको छ । यस सम्बन्धमा गरिएको अध्यनले भने तीन समूहका नागरिकलाई प्रवेश नदिन सुझाव दिएको छ ।

६० वर्ष माथिका, झुटा कम्पनीबाट भिसा लिएका र कुवेतको मुख्य क्षेत्रमा काम नगर्ने अर्थात सामान्य कामदारको रुपमा कार्यरत श्रमिकलाई अहिले प्रवेशको अनुमति नदिन सुझाव दिइएको छ । घरेलु श्रमिकको सन्दर्भमा भने उनीहरुको उमेर र पृष्ठभूमिमा भर पर्नेछ । ६० वर्ष माथिकाको हकमा भने उनीहरुलाई प्रवेश गर्न नदिइने जनाइएको छ ।

अन्तिम अपडेट: मंसिर २५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्