विदेशमा कार्यरत नेपालीमा कोरोना सङ्क्रमणदर घट्यो, सङ्क्रमितमध्ये ९२ प्रतिशत निको

असार २८, २०७७ आइतबार ११:३१:५४ | उज्यालो सहकर्मी

काठमाण्डौ – विदेशमा कार्यरत नेपालीमा कोरोना भाइरस (कोभिड १९) को सङ्क्रमणदर उल्लेख्य रुपमा घटेको छ ।

अघिल्लो साताको तुलनामा यो साता नयाँ कोरोना सङ्क्रमित घटेको र निको हुने नेपालीको सङ्ख्या बढेको गैरआवासीय नेपाली संघ एनआरएनए अन्तर्गतको स्वास्थ्य समितिले जनाएको छ । स्वास्थ्य समितिका अनुसार कोराना सङ्क्रमितमध्ये ९२ प्रतिशत नेपालीहरु निको भएका छन् ।

हिजो शनिबार साँझसम्म विश्वभर २९ हजार ६ सय २४ जनामा कोरोना सङ्क्रमण पुष्टि भएको छ । उनीहरुमध्ये २७ हजार ३ सय ६२ जना नेपाली सङ्क्रमण मुक्त भएको गैरआवासीय नेपाली संघले जनाएको छ । स्वास्थ्य समितिका संयोजक डा. संजीव सापकोटाका अनुसार अष्ट्रेलिया, पोल्याण्ड, कतार, साउदी अबर लगायतका देशमा रहेका नेपालीहरुमा कोरोना सङ्क्रमण दर सामान्य रुपमा बढेको छ ।

यसअघि गएको सातासम्म १४ देशमा १ सय ४३ जना नेपालीको विदेशमा कोरोनाका कारणले ज्यान गएको छ । यो साता कोही पनि नेपालीको कोरोनाको कारण ज्यान गएको छैन ।

मध्यपूर्वका देशबाहेक अन्य देशमा कोरोना सङ्क्रमणको जोखिम रहेकोप्रति एनआरएनए स्वास्थ्य समितिले चिन्ता व्यक्त गर्दै स्थानीय सरकारले जारी गरेका स्वास्थ्य सम्वन्धी सूचनाहरुलाई कडाइका साथ पालना गर्न आग्रह गरेको छ ।

अन्तिम अपडेट: मंसिर २४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्