साउदीको जेलमा रहेका दिलबहादुर घर्तीको उद्धारका लागि साढे सात लाख सहयोग

साउन १७, २०७५ बिहीबार १७:७:३९ | उज्यालो सहकर्मी

काठमाडौं – साउदी अरबको जेलमा रहेका रोल्पाका दिलबहादुर घर्तीमगरलाई बचाउन मगर संघ साउदी अरबले साढे सात लाख रुपैयाँ सहयोग गरेको छ ।

मगर संघ साउदी अरबको पहलमा संकलित सात लाख ५० हजार रुपैयाँ नेपाल मगर संघले बिहीबार ‘दिलबहादुर घर्ती बचाउनको लागि ब्लडमनी संकलन अभियान–२०७५’ मूल समितिलाई हस्तान्तरण गरेको हो ।

नेपाल आदिवासी जनजाति पत्रकार महासंघ (फोनिज)को कार्यालयमा आयोजित कार्यक्रममा मगर संघका अध्यक्ष नवीन रोकामगरले समितिलाई सहयोग हस्तान्तरण गर्नुभयो । साउदी अरबमा क्रियाशील एनए मिडिया प्रालि, नेपाल ट्रेड यूनियन महासंघ (जिफन्ट), प्रवासी मिलन एकता समाज, तमु धीं र काभ्रे सेवा समाज लगायतले सहयोग सङ्कलन गरेका हुन् ।

रोल्पा नगरपालिका–१०, रोल्पाका दिलबहादुर घर्ती दुई वर्षदेखि साउदीको जेलमा हुनुहुन्छ । उनले चलाएको ट्रकमा साउदी नागरिकले चलाइरहेको कार ठोक्किँदा साउदी नागरिकको मृत्यु भएपछि अदालतले दिलबहादुरको ७५ प्रतिशत गल्ती देखाउँदै मृतकका परिवारलाई २ लाख २५ हजार रियाल अथवा झण्डै ६५ लाख रुपैयाँ क्षतिपूर्ति दिनुपर्ने फैसला गरेको छ । यस्तै मगर संघ, कतार शाखाले दिलबहादुर घर्ती र कुमार रानाका लागि २५÷२५ हजार रुपैयाँ हस्तान्तरण गरेको छ ।

अन्तिम अपडेट: मंसिर १८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्