खाडी र मलेसियाबाट हुने चार्टर्ड उडानको भाडा फेरि घट्यो, अब कहाँबाट फर्कदा कति भाडा ?

 जेठ ३१, २०७७ शनिबार २१:१०:१७ | उज्यालो सहकर्मी
unn.prixa.net

काठमाण्डौ – सरकारले विदेशमा समस्यामा परेका नेपालीको स्वदेश फिर्तीका लागि तोकिएको हवाई भाडादर फेरि घटाएको छ । संस्कृति, पर्यटन तथा नागरिक उड्डयन मन्त्रालयले यसअघि २ पटक सार्वजनिक गरेको भाडा महँगो भएको भन्दै विरोध भएपछि तेस्रोपटक घटाइएको हो ।

शनिबार संस्कृति, पर्यटन तथा नागरिक उड्डयन मन्त्रालय सिंहदरबारमा भएको छलफलमा हालको प्रस्तावित हवाई भाडादरमा पुनरावलोकन गर्न संस्कृति, पर्यटन तथा नागरिक उडडयन मन्त्री योगेश भट्टराईले नेपाल वायुसेवा निगम र हिमालयन एयरलाइन्सलाई अनुरोध गरेपछि निगमले भाडादरमा पुनरावलोकन गरेको हो ।

शनिबार नेपाली श्रमिकको मुख्य श्रम गन्तव्य देशको भाडा मात्र घटाइएको हो । पहिलो पटक तय गरिएको चार्टर्ड उडानको भाडादरको चौतर्फी विरोध भएपछि शुक्रबार साँझ भाडादर केही घटाइएको थियो । त्यो भाडादर पनि सामान्य अवस्थाकोभन्दा महंगो भएको भन्दै स्वदेश फर्कने तयारीमा रहेका श्रमिकहरुको गुनासो थियो । कुल लागतको २० प्रतिशत वा १०० डलरसम्म भाडा घटाउने निर्णय भएको भएको छ । घटेको भाडादर भोलि आइतबारदेखि नै कार्यान्वयनमा आउने छ ।

कहाँको कति घट्यो ?

मलेसिया र खाडीका ६ देशका लागि ९० देखि १०० डलरसम्म भाडा घटाइएको वायुसेवा निगमले जनाएको छ । कतारको दोहाबाट आउने श्रमिकका लागि चार्टर्ड जहाजको भाडादर यसअघि ४९० डलर कायम गरिएको थियो । तर यो भाडा फेरि घटाएर ३९२ अमेरिकी डलर कायम भएको छ ।

यूएईका तीन राज्य दुबई, सारजहा र आबुधाबीबाट फर्कनेका लागि सुरुमा ५०० अमेरिकी डलर भाडादर कायम गरिएको थियो । त्यसलाई शुक्रबार घटाएर ४५० अमेरिकी डलर कायम गरिएको थियो तर अब ३९० डलर कायम गरिएको छ ।

मलेसियाका लागि यसअघि ४६५ अमेरिकी डलर रहेकोमा अब घटाएर ३७२ डलर कायम गरिएको छ ।

साउदीको दमामको भाडा ५३० बाट ४३० कायम गरिएको छ भने साउदीकै रियादबाट नेपाल फर्कनेका लागि यसअघि तोकिएको ५६५ अमेरिकी डलरबाट घटाएर ४६५ र जेद्दाबाट स्वदेश फर्कनेले अब चार्टर्ड उडानको भाडा ५९० अमेरिकी डलर तिर्नपर्छ । यसअघि यो भाडादर ६९० अमेरिकी डलर थियो ।

ओमानको भाडा ४६० बाट ३६८ मा झारिएको छ । तर ओमानमा रहेको नेपाली दूतावासले ओमानकै सलाम एअरमार्फत नेपालीलाई ११५ ओमानी रियाल अर्थात २९८ अमेरिकी डलर भाडा तोकेको छ । यो भाडादर सरकारले दुई पटक घटाएको भाडाभन्दा सस्तो छ ।

यस्तै बहराइनबाट फर्किनेले यसअघि ४९० अमेरिकी डलर भाडा तिर्न पर्ने भए पनि यसलाई घटाएर अहिले ३९२ अमेरिकी डलरमा झारिएको छ भने कुवेतको भाडा ४१० अमेरिकी डलर कायम गरिएको छ । यसअघि ५१० अमेरिकी डलर रहेको थियो ।

जोर्डनको भाडा ७७५बाट ६७५ र साइप्रसको भाडा ८३० बाट ७३० डलर तोकिएको छ । सय डलर नबढ्ने गरी २० प्रतिशतसम्म भाडा घटाउन नेपाल एयरलाइन्स सहमत भइसकेको छ । तर हिमालयनले एअरलाइन्सले भने यसबारे पछि बताउने जनाएको छ ।

सरकारले विदेशमा समस्यामा परेका नेपालीको स्वदेश फिर्तीका लागि हिमालय एअरलाइन्स र नेपाल एअरलाइन्ससँगै अन्य विदेशी जहाजलाई पनि प्रयोग गर्ने जनाएको छ । कतिपय देशले आफ्नै खर्चमा ल्याइदिएका छन् । तर सरकारले तोकेको भाडादर महंगो र महिनौदेखि समस्यामा रहेका श्रमिकले तिरेर फर्कन नसक्ने भन्दै विरोध भइरहेको छ ।

साउदीको दमामबाट असार एक गते हुने भनिएको पहिलो उडान रद्द भइसकेको छ । यस्तै माल्दिभ्सबाट नेपालीको स्वदेश फिर्तीका लागि हुने भनिएको पहिलो उडान पनि शनिबार नै रद्द गरिएको छ ।

याे पनि पढ्नुहाेस्

 

अन्तिम अपडेट: मंसिर १५, २०८१

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

4 Comments

  • Kumar

    July 19, 2020, 12:35 a.m.

    यो खबर कसरी सक्कली मानौं , कहिले के भन्छ कहिले के ?? बरु नियमित उडान गर सरकार यो नाटक अत्ति भो ..आफ्नो सुरक्षा आफै गर्न जानेका छन् / यहाँ उद्दारको नाममा दलाल ले लुट्न सम्म लुटेका छन्/ के पैसा नहुनेले कसरी घर फिर्ता हुने ??यो सरकारको नियत पनि ठीक छैन ...चुनाव आउन देउ / नागरिकले तिमीहरुको पत्ता साफ गर्नेछ , हेक्का रहोस् /

  •  0 Reply

  • नेमराज

    June 14, 2020, 10:30 a.m.

    सरकारी उद्दार भनिसके पछी सके सबै निशुल्क हुनु पर्छ नसके पहिला सामान्य परिस्थितिमा जति खर्च लाग्थ्यो त्यसको ५० देखी ८०% सम्म सस्तो हुनु पर्दछ , होइन भने सरकारी उद्दार भनेर भन्न पाइदैन । बरु अरु देशले जस्तो व्यवसायिक कम्पनिहरुलाई उडान अनुमति देउ जुन फ्लाइटमा सस्तो पर्छ त्यहि फ्लाइट बाट नागरिक घर फर्कन्छ । तर इतिहास मा खड्क ओली सरकारको नाम जनताले कालो सुचिमा राख्नेछ ।

  •  0 Reply

  • Kajisab

    June 14, 2020, 12:29 a.m.

    भ्रष्टाचारको यो भन्दा राम्रो उदाहरण के हुन सक्छ ?? रेमिटेन्स पठाउने कामदारको उद्दार गर्नुपर्ने ठाउँमा ३ गुणा बढी भाडा तोक्ने अनि तीन पटक सम्म घटाउँदा पनि महँगोमा टिकट बेच्न दिने...त्यो वैदेशिक रोजगार र बीमा गर्दा लिएको पैसा खोइ ???? तिमीहरु मर्ने बेला कीरा परेको हेर्न पाउँ बस !!!!

  •  1 Reply

  • Grish lhadka

    June 13, 2020, 9:21 p.m.

    Dubai ko lagi 360$ ho ki 390$ ??

  •  0 Reply

तपाईको प्रतिक्रिया

समाचार

लोकप्रिय

१

नेपालमा आयाेजना हुने काभा पुरुष भलिबल क्लब च्याम्पियनशिपमा ५ वटा टाेली

२

एनपीएलको विजेताले एक करोड ११ लाख रुपैयाँ पुरस्कार पाउने

३

एनपीएलको उद्घाटन खेलमा विराटनगरलाई हराउँदै जनकपुरको विजयी शुरुवात

४

काठमाण्डौको तारकेश्वरमा बसको ढोकाबाट खसेर दुई जनाको ज्यान गयो

विचार

उज्यालो टी भी

वैदेशिक रोजगारीमा जादा सुरक्षित हुने तरिका

मनोपरामर्शले बदलेको जीवन कथा

विदेशबाट श्रीमान् फर्काउने साहस बटुलेका वित्तीय कक्षा सहभागीका कथा

मेरो कथा मेरो भोगाई