सरकारले धरौटी बढाउँदा म्यानपावर व्यवसायी संघमा ‘भूइँचालो’

साउन १६, २०७५ बुधबार १७:११:१० | उज्यालो सहकर्मी

काठमाडौं – सरकारले म्यानपावर कम्पनीको इजाजत धरौटी रकम ६ करोड रुपैयाँ पुर्‍याउने प्रस्ताव ल्याएपछि म्यानपावर व्यवसायीहरुबीच विवाद भएको छ ।

बुधबार काठमाडौंमा समसामयिक विषयमा छलफल गर्न भन्दै आयोजना गरिएको भेलामा नेपाल वैदेशिक रोजगार व्यवसायी संघको नेतृत्व नै ६ करोड धरौटी लिने सरकारको प्रस्तावको पक्षमा उभिएको आरोप लगाउँदै व्यवसायीहरु आक्रोशित भएका हुन् ।

भेलामा अध्यक्ष रोहन गुरुङले बोल्दै गर्दा काँग्रेस पक्षधर व्यवसायीहरुले कार्यक्रममा गुरुङको राजीनामा माग गर्दै प्रर्दशन गरेका थिए । ६ करोड धरौती कम्पनी इजाजतका लागि दिनु व्यवसायी, सरकार र कामदार कसैको पनि हितमा नहुने दावी गर्दै अध्यक्ष गुरुङप्रति आक्रोश समेत व्यक्त गरिएको थियो ।

गुरुङ नेपाल कम्युनिष्ट पार्टी ९नेकपा० निकट व्यवसायी हुनुहुन्छ । सरकारले म्यानपावर व्यवसायलाई ध्वस्त पार्ने गरी प्रस्ताव ल्याउँदा पनि व्यवसायीहरुसँग कुनै परामर्श नलिएर अध्यक्ष गुरुङले पदको चरम दुरुपयोग गरेको वैदेशिक रोजगार प्रवद्र्धन बोर्डकी सदस्य सिता देवकोटाले आरोप लगाउँदै गुरुङको राजीनामा दिन माग गर्नुभयो । अध्यक्ष गुरुङले व्यवसायीको हितमा काम गर्न नसकेको उहाँको आरोप थियो ।

म्यानपावरको उचित व्यवस्थापन गर्न भन्दै श्रम, रोजगार तथा सामाजिक सुरक्षा मन्त्रालयले म्यानपावर कम्पनीले इजाजतका लागि ६ करोड धरौटी बुझाउनुपर्ने व्यवस्थासहितको प्रस्ताव मन्त्रीपरिषदमा लगेको छ । सरकारको सो प्रस्तावको समर्थन गरेको भन्दै व्यवसायीहरुले अध्यक्ष गुरुङप्रति आक्रोश व्यक्त गरेका हुन । उनीहरुले सरकार म्यानपावर व्यवसायलाई पेल्दै अगाडि बढन लागि परेको आरोप लगाएका छन् ।

अन्तिम अपडेट: मंसिर २३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्