खाडी र मलेसियाको कोरोना अपडेट : आइतबारसम्म कोरोना सङ्क्रमित नेपालीको सङ्ख्या ९ हजार नाघ्यो

जेठ ११, २०७७ आइतबार १२:४८:५० | उज्यालो सहकर्मी

काठमाण्डौ – खाडी र मलेसियामा कोरोना सङ्क्रमित नेपालीको सङ्ख्या ९ हजार नाघेको छ । नेपाली दूतावास र गैरआवसीय नेपाली संघ एनआरएनए अन्तर्गतको स्वास्थ्य समितिका अनुसार खाडीका देश र मलेसियामा ९ हजार २ सय ४५ जना नेपाली नागरिकमा कोरोना सङ्क्रमणको पुष्टि भएको छ ।

अहिलेसम्म सबैभन्दा धेरै कतारमा ६ हजार ९ सय ११ जना नेपाली सङ्क्रमित भएका छन् ।

यस्तै साउदीमा १३ सय ६४, बहराइनमा ३३१, यूएईमा ५ सय , कुवेतमा ८४, मलेसियामा ५५ जना गरी अहिलेसम्म जम्मा ९ हजार २ सय ४५ जना नेपाली श्रमिकलाई कोरोना सङ्क्रमण भएको हो ।

जसमध्ये साउदीमा ३८, यूएईमा दुई र मलेसियामा १३ गरी ५३ जना निको भएका छन् । यूएई र कतारमा उल्लेख्य कोरोना सङ्क्रमित नेपाली निको भएको त्यहाँको सरकारको भनाइ छ । तर यकिन तथ्याँक भने खुलाइएको छैन ।

कोरोनाको कारण यूएईमा १८ जना, साउदीमा ७ जना र कतारमा १ गरी २६ जनाको ज्यान गएको छ ।

खाडीका ६ देश र मलेसियामा कोरोना सङ्क्रमितको सङ्ख्या एक लाख ८४ हजार ७८६ पुगेको छ । यस्तै ८२ हजार २१६ जना उपचारपछि निको भएर घर फर्किसकेका छन् भने एकलाख एक हजार ६१४ जनाको अस्पतालमा उपचार भइरहेको छ । यी देशमा कोरोना सङ्क्रमणका कारण ९५६ जनाले ज्यान गुमाएका छन् ।

अन्तिम अपडेट: मंसिर १५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्