दाङ : राहत बाँडन लगेको चामल सडेकाे भेटिएपछि गोदाम सिल

जेठ ७, २०७७ बुधबार ६:५९:३८ | हेमराज शर्मा

दाङ - सामुदायिक वनले दाङको लमहीबाट राहत बाँडन लगेको चामल कुहिएको खान नमिल्ने परेपछि चामल गोदाममा सिल गरिएको छ ।

गाउँमा बाँडिएको चामल खान नमिल्ने भएपछि राहत लिएकाहरुले पनि फिर्ता गरेका छन् । दाङको राजपुर गाउँपालिकामा वडा नम्बर ७ बनकट्टीका स्थानीयलाई राहत वितरण गर्नको लागि लगिएको चामल गुणस्तरहीन भएको पाइएपछि फिर्ता गरिएको हो ।

लमहीको आर.के. सप्लायर्सले बिक्री गरेको पहेँलो बोरामा चन्दन लेखिएको चामल गुणस्तरहीन भेटिएको हो । उक्त सप्लायर्सबाट राजपुर ७ को भयरथान सामुदायिक वनले आफ्ना उपभोत्तालाई राहत वितरण गर्नको लागि १ सय ६४ बोरा चामल लगेकोमा १ सय ३२ बोरा चामल कुहिएको फेला पारेपछि फिर्ता गर्न लमही ल्याइएको सामुदायिक वनका अध्यक्ष चेतबहादुर ओलीले जानकारी दिनुभयो ।

बिक्रेताले सेतो बोराकाे नमुना देखाएर बिक्री गर्दा सेतोसँगै पहेँलो बोराको चामल पनि मिसाएर दिएको उहाँले बताउनुभयो । १ हजार १ सय २५ रुपैयाँ प्रतिबोरा मूल्य परेको कालो सडेको र धुलैधुलो देखिन्छ ।

अहिले त्यस सप्लायर्सको चन्दन जातको चामल राखिएको गोदाम सिल गरिएको र थप अनुसन्धानपछि सम्बन्धित निकायले कारबाही गर्ने देउखुरी उद्योग बाणिज्य संघका अध्यक्ष रत्नप्रसाद श्रेष्ठले जानकारी दिनुभयो ।

चामल फिर्ता गराउन आउने जाने दुवानी खर्च पनि क्षतिपूर्तिस्वरुप उपलब्ध गराउन सप्लायर्सको प्रोपाइटर सहमत भएका छन् ।

प्रोपाइटर आनन्द गुप्ता र इन्द्रमणि खनालले चामल आफूहरुले नहेरेका कारण समस्या भएको बताएका छन् ।

अहिले त्यस सप्लायर्समा रहेको ४२ बोरा चामल र फिर्ता आएको १ सय ४२ बोरा गरी एक सय ८४ बोरा चामल सहितको गोदामलाई सिल गरिएको छ ।

वडा प्रहरी कार्यालय,उद्योग वाणिज्य संघ तथा पत्रकारको रोहबरमा मुचुल्का उठाएर गोदाम सिल गरी अनुसन्धान थालिएको वडा प्रहरी कार्यालय लमहीका प्रमुख प्रज्वल थपलियाले जानकारी दिनुभयो । ‘अहिले बन्द गरेर अनुसन्धान थालिको छ, दोषी भेटिए कारबाही हुन्छ’, उहाँले भन्नुभयो ।

अन्तिम अपडेट: मंसिर १४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

हेमराज शर्मा

दाङमा बसेर पत्रकारिता गर्ने हेमराज शर्मा लामो समयदेखि उज्यालोमा कार्यरत हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्