नयाँ काम खोज्न युएईले अवैधानिक कामदारलाई ६ महिनाको समय दिने

साउन १५, २०७५ मंगलबार १२:२९:५५ | उज्यालो सहकर्मी

युएई – आममाफीको समयमा विदेशी नागरिकलाई काम खोज्नका लागि युएईले ६ महिनाको भिसा दिने भएको छ ।

कानुनी बाटो अपनाएर युएई प्रवेश गरेकाले मात्रै यो भिसा पाउने युएईले जनाएको छ । तर गैरकानुनी हिसाबले युएई प्रवेश गरेका विदेशी नागरिकले भने यो भिसा पाउने छैनन् ।

व्यक्ति स्वयम्ले नै आफ्नो जिम्मेवारी लिएर नयाँ काम खोज्नका लागि ६ महिनाको भिसा लिन सक्ने र यो अवधिमा काम पाएमा बसोबासको भिसा लिन सक्ने युएईले जनाएको छ ।

६ महिनाको भिसा लिएकाहरुले युएईमा सरकारी र निजी दुवै क्षेत्रमा काम खोज्न सक्नेछन् । तर यो समयमा काम नपाएमा स्वदेश फर्किनु पर्नेछ । त्यस्तै गैरकानुनी हिसाबले युएई प्रवेश गरेकाहरु पनि कुनै जरिवाना र सजाएबिनै स्वदेश फर्किन पाउनेछन् । तर दुई वर्षसम्म युएई प्रवेशमा रोक लगाइनेछ ।

युएईले दिएको आममाफीको समय बुधबारदेखि सुरु हुँदैछ । बुधबार अगष्ट १ देखि अक्टोबर १ सम्म युएईले विभिन्न कारणले अवैधानिक भएका विदेशी नागरिकलाई वैधानिक बन्न र स्वदेश फर्किन अवसर दिएको हो ।

तीन महिनाको समयमा ओभरस्टे अथवा भिसा अवधिभन्दा धेरै समय बस्नेहरु पनि कुनै जरिवाना र सजाए बिनानै स्वदेश फर्किन पाउनेछन् ।

यो पनि पढ्नुहोस्

‘तीन महिनाको आममाफी युएईले दिएको उपहार हो’

गैरकानुनी कामदारलाई युएईले दियो ३ महिनाको आममाफी

युएईका अवैधानिक कामदार जरिवाना नतिरी स्वदेश फर्किन पाउने

अन्तिम अपडेट: मंसिर १७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्